Page Text
________________
बारसमो ललिदवेगा-लंभो एवं मे तिसु वि पियासु सहियस्स अभिरमंतस्स सुहैण वच्चंति केइ दिवसा । जत्थ य सो सुकोसला-सयंवरे' पागार-मंचो मासि तत्थ अज्ज वि विरइय-मंच-संठाणं 'जलोज णाम महंतं सिकया-थलं दीसइ पा(प)गासं । कोसलाए पासे य से जीवसामि(?)परिदू(?स)रे । तहिं चिय महु-मासो य समइच्छिमओ मे सुहेण अभिरमंतस्स । गिम्ह-समए य वट्टमाणे अभिरमामि परम-सीय-मज्जणवरि(वावि)मु पउर-परिभोगो। - अण्णया य तत्थ एक्केण आस-वाणियएणं इच्छिओहिद-मुल्लो धवलो भासो रण्णो उवटुविओ । अहं च राइणा सहावेउ भणिओ-परिच्छह ताव एवं आसं ति । मया सुंदरो आइट्ठो । तओ राइणा भणियं-- आग(१रु)हेहि । मंद मंद वाहिओ इच्छिओ मे वहइ । एवं वाहे उं ताहे अइ-चवल-दाहिण-चलणछुरिमो सकमो विसज्जिओ मे । लग्गे य पंचम-धाराए । एग-तरंत-परिधाविमो य संतो सहसा-आखंचिय-णियमणो दुट्ठ-सीसो इव जहा विणओदहि-वेलं वोलीणो म। लग्गो य दाहिण-पच्छिम दिसा-भागं । ण गणेइ धणिय-कड्ढियं पि खलीण । माकुलीभूयं च राय-कुलं वासा य मे । आलग्गं च जहा सण्णिहियं बल मग्गेणं । हरइ म भणोजवो तुरगो। घावंताई पिव दिसा-पहाई लक्खेमि । खणमेत्तं च महि-तले धाविऊणं तओ आगासेण समुप्पइओ । ताहे मे विण्णायंण एस तुरंगमो, तुरंगम-वेसेण कोइ अवहरइ [मं] । एवं चिंतयतेण पहओ मे मुट्ठीए संख-देसे । पडिओ य सहसा णिरालंबो धरणि-पट्टे । तस्स य सरीराणुमग्गलग्गस्स ण मे णिवडमाणस्स वि काइ सरीर-दूसणा जाया । सो य मम पहराउरो तुरंगो खणमेत्तं च महियले वेल्लिऊणं विज्जाहरो जाओ। चिंतेमि य-ण मे एस कयाइ दिट्ठ-पुन्यो । ताव य णभयलाओ घोर-दाढुक्कड-विकरालवयणो लोल-गंगूलो कत्तो वि महा-काओ समोवइओ ममोवरि महा-"मइंदो । सो य घोरोरसिय-मुक्क हुंकार- णिस्सणो वेगेण समोवयंतो मोत्तण तं विज्जाहर दाहिण-हत्थ-मुट्टिणा पहओ मे उत्तिमंगे तह जह गलत-गत्तो सो वि महितले पविट्ठो (? पडिओ)। जाव य सविम्हमओ तं पलोएमि चिंतेमि य- क्रिमेयं ति ताव दो वि ते विज्जाहर-मइंदा उप्पइउं खणेण असणं पत्ता ।
१. सयवरेण मो० ॥ कुलोज णाम मो० ३. स ख•मो विना ॥ ४. खणमेक्क • खं० मो० विना ।। ५. गइंदो मो० ॥ ६. णिस्सण्णो मो० विना ॥ ७. मक्षिणा . मो० विना ॥८. पव्विट्ठो खं० ॥ ९. उत्पति ख०मो विना ॥ २४
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |