Page Text
________________
५८२
वसुदेवहिंदी-मजिसमखंडे सुकोसला नाम । तमओ एयं सोऊणं पडिच्छियग्ध-पूओ पविट्ठो हं इंदसेणा-सगास । तीय वि हरिसियाए लद्ध-विनओ अग्घेण पडिच्छिमो हं । आवासियो मि सवयंसो पवर-पासाए । उवचरह य रुहरदेवो पोरं । गएसु अ केसु-इ दिणेसु रुइरदेवेण पोओ उवणीओ मम सगासं । पाय-परि(डि)उट्ठिरण य रुहरदेवेण भणियं - अजउत्त ! एस ते मम (य) पा(मा)या पोओ मिच्चत्तणं अब्भुवाओ रोहविय-वणो तुब्भ सरण उवगओ । मरिसिजउ से(?) एयस्त असमिक्खिय-कमो अवराहो त्ति । पडिपो य मे पोओ पाएसु । पणमंतो य मे अवयासिओ । पवेसिमो य भगिणीए सगासं । तोए पुइमो सेवह मम पराए भत्तीए ।
___ मण्णया य में भणइ पोओ सन्च-चयंस-पुस्मो सुणंतगाए चेव इंदसेणाए -अजउत्त ! जइ सि मम परितुट्ठो वा सायमंतो वा तओ बीयमवि मे भागणियं लक्खणं सुलक्खणं पडिमेण्हह त्ति । देह य मे आण । आणिज्जउ वेसालीमो इहेव भगिणी मे । मया भणियं-~-एत्थ कारणे इंदसेणा जाणिया । रुइरदेवेण भणियं-किं एत्थ जाणिज्जइ ? णणु अणुग्गहो एस. इंदसेणाए, जं भगिणीए सह जावज्जीवं अविओगो होइ । संमददेवेण भणियं -एवमेयं । किं पुण समिद्धं पि सपत्तिं णेच्छंति जुवइमो ? सो इंदसेणाए पहसिऊण भणियं --किं मे भावुल्लिहणं करेह ? की वा ण इच्छामि ? बहुआओ मे सवत्तीओ अस्थि । तस्थ किं मे भगिणीए अइ-रु (भ)रो होहिइ ! अवि य,
सलिल-हणस्स णिपयं सराव(सदा य) पुण्णस्स बहु-णइ-पइस्स । पत्तिय ण हु अइ-भारं करेइ सरिया समुदस्स ॥
त एस परमत्थो । बहु-रयण-मायणो मे भलारो। आणिज्जउ लक्षण त्ति । तीय य अणुभए पयट्टिया वेसालिं दूमा । तेहिं य ववत्थावेऊण सं क्यिलिय रग्ज (१)। सो तेसु गणिएसु दिवसेसु महया बल-समुदएणं आणिया गुरु-मयहरग-दोवारिय-सहिया कोसलं लक्खणा । सुंदर-तिहि करण-दियस-णक्खत्तमुहसे य कयं मे वराणुरूवं पडि कम्मं । सज्जिया य वेई । महया य तरियगंवन्ध-गीय-वाईय रवेणं णीमो हं वेदि-प्तमी । उवगीया य वहु-णेवच्छ वस्थिया [लक्खणा] । अल्लीणा य मम लच्छि व माहवं । हूओ हुमकहो । अवकि(?की)रियामो लायंजलीओ । गाहिओ मि रण्णा पोएण तोए पाणिं । णिवत्त-पाणिगहणो य तीए इंदसेणाए य सह गयं मि(! पि) कालं " जाणामि ॥
इति धम्मसेण-गणि-महत्तर-कयाए वसुदेव-हिंडीए दसमो लक्खणा-लभो णाम परिच्छेओ समत्तो ॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |