Page Text
________________
१८०
वसुदेवहिंडी-मज्झिमखंडे ण गंतव्यो । पुरिसकारे सिरी वसइ । सच्चं ताव लेच्छविणा बलवगा, तह वि णगरि गया चेव जोहइस्सामा त्ति । - तो मया लिहियं सावत्थि-गयाणं भागेरहिदत्ताईण भाईणं, अंसुमंतस्स, रणे। य एणियपुत्तस्स जहा-सत्तसु मे सह जुद्धं आसणं । सिग्धं बलं विसज्जेह त्ति कासलापुरि-गयस्स सगासं । साभिण्णाणेसु य लेहेसु पयट्टिो सलहुकरिणी वि(?सि)ग्घ-धाडिभो । तओ गएसु केसु-इ दिणेषु सुबइ पच्चासण्ण-गयं लेच्छवि-बलं । सावत्थीमो य रण्णा विसज्जिया पंच वि पुत्ता महया य बल-वाहिणीए सहिया, सहिया य अंसुमंतेणं नंदेवणंदबंधु-मुबंधसु । संपत्ता य कासला पुरि-पएसं । आगमियं च तेहिं आसणं लेच्छविबलं । अब्भाइयं च णेहिं पुरिमपत्तं । हिंडेालय-जुद्धेण य पविलुप्पमाणं कहं वि पत्त कासला-नयरीए बाहिरुदेसं । णगरुज्जाणेसु य आवासेउ पयत्तं पर-बलं । तं च दद्वणं खुभिय-चक्कवाल-सरिसं खणेण जायं कोसला-णगरं ।
तो णरवइ-वयण-णिउत्त-पुरिसाडिद्वियं च एणियपुत्त-सुअ-बलं पविटू-पुवं परिवेदियं कोसला-णगरे । उवगया य मम दंससुया सव-वयंपा । (ते) पणमंता य मे कमेण अश्यासिया । परं च धीइमुवागया मम समागमे [ण], ण तिप्पति ममं पेच्छमाणा । भणंति य-सामि ! अज्ज वि ण पत्तिजामो नहा तुभं मिलिया मो त्ति । पूइया य मया राइणा रुइरदेवेण य वा(रा)यपुत्ता । सुह-णिसण्णाण य एगो असुमंतो मम भणइ-अहो ! सच्चवाई अज्जपुत्तो जो लेहेहिं लिहिउं जहा, हं अचिरेण य सावत्थीए एहामि ति, णवरं कोसलं मागमो । सम्मयदेवेण भणियं-जइ एसो जहामणियं करे अजउत्तो, ण होइ बहु-जणस्स अजउत्तो । तओ मया भणियं -- सच्चं मासि मम सावस्थि-गमणाभिप्पाओ णवरं पुण दुव्वा या]हय-कास-कुसुम पिव बहा-कम्मेहिं अण्णओ पक्वित्तो हि(ह)। पुच्छिमओ य मे भागेरहिदत्तोसोम । किंचि(कच्चि) कुसल(?लेो) राया देवोजणे वा(य) ? तेण य सव्वं कुसलमावेहयं । पुच्छइ य मे असुमंतो-कत्थ कत्थ भा(मे) सावत्थी-विणिग्गएहिं भमियं, किवा सुह-दुक्खमणुभूअं ? ति । तमो मया तेसि सव्वेसि पि णियय-पिया-लभाजंतर-वत्ता परिकहिया । भणंति य-अच्छेर यं अज्ज उत्तेणमेत्तिएसु मासेसु छत्तीसं पियायो विद्वत्ताओ मेरू[ए] य नंदणवणो दिट्ठो त्ति ।
अह य परिणिट्ठियं लेच्छईसु सह जुद्धे दियसं । संपत्ते य तम्मि दिवसे ससेण्णो सगद्वा राया कोसलो, वयंसा य मे सह रुइरदेवेण ।
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |