Page Text
________________
१७०
वसुदेवहिंडी-मझिमखंडे अबलोगयंतो वेरुलियमालाए । सा य मे जण-छलेणं तत्थ-गया चेव उग्ज-करप[ए]सिणीए तज्जेइ सललियं मयच्छी । अह हं पुणरवि तत्थेव सरिउ तं कुसुम-दामं तहेव पाएसु काउं ठिमओ हं । ताव य समुट्टियं चेव वेरुलियमालं पेच्छामि । सा मे तज्जयंती भणइ-चोर ! मजायाइक्कमो सि मे लद्धो, कीस मेरं अइक्कमसि ! त्ति बेंतीए तमो काम-बाण-भूयेणं मिउ-कोमलफासेणं दाहिण-कर-कमलेणं सलीलं तीए तालिमो गंड-देसे । तओ मया पहसमाणेणं भणिया--पिए ! कीस कुविया सि मे ? पिहुल-सोणि । णाहं इओ कत्थइ पयमवि चलि भो । उद्दिढ़ खु तुमे कयं ति । तो तीए भणियं-- अइ धट्ठो सि दइयय ! जो पच्चक्खं पि दिट्ठो अवलविउमिच्छसि । एवं भणंती मया के णिवेरिया । तओ पहसिऊणं भणइ-पिययम ! पहर-भीदेण अहं अंके णिवेसिया । मया भणिया-मामं । जो माणुस-विसेसं जाणइ सो किह तुम अणंग-रक्खसीए न बीमेहिइ ? अवि य,
कुरे(? फुरि)याहर-णयण-मणी-मंडिय-विलसंत-भुमय-गंडीवो(? वे) । कड्ढिय-अणंगबाणे मयच्छि ते को ण बीभेइ ? ॥
तो मया एवं परिहसिए भणइ-तुद्रा में पिययम ! जं मे तुम बीमेसि । त्ति बितीए तो तोय लहुं आणाविरं पाणं । भणइ य–पिययम ! अणिलजसाए पासाओ अइ-दुल्लभा मे तुम्भे भविस्सह । तं जाव एईए विज्जायणय(१)कीरह ताव इच्छामि तुम्मेहिं सह स्वणमेत पि ताव नीसावन्नं एगमवि पाणचसयं उबजीविडं ति । एवं भणंतीए दिण्णं मे हत्ये मरगय-मणि-मायणं, पज्जेइ मे पिया सयं पियमाणी । पयच्छइ रइसेणिया नाम चेडी ।
अह य यिंताणं चेव केण वि अदिद्रा तत्थ समुवटिया अणिलजसा । तं च तहाभूयं अम्हं पाण-विहिं अंतट्ठिया दट्टणं सव्वं तमओ पच्छा परम-कुविया दंसणं उवागया । णवरं च परम-दूसह-भिउडि-भंगुर-णिडाला दिट्ठीविस-णाग-कण्णगा इव अम्हे दिट्ठीए निदहंती विव भणइ-साहह किमियमविणयं !, भणइ य वेरुलियमालं-- धिरत्थु ते पावे ! णासयावहारिणीए । अहो ! इमं चंडालोए चंडाल-रूवं कयं ति । तो सा रोस-गविय-णयणा धमधर्मत-वयणा भणिया पहसंतीए वेरुलियमालाए-वयंसि ! अलं ते कोवेणं । मा मण्णु करेहि । णणु तया चेव मया भणिया सि(?), कस्स अज्जउत्तं परिश्चयामि ! णासिहौह तुह एस भत्ता, पुणो दुल्लभो भविस्सइ त्ति । तमो भणियं चिय तुम(१) जहा, मे अग्जउचो
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |