Page Text
________________
अट्ठमो वेरुलियमाला-लंभो तह.वि अवस्सं च तुमे अज्ज भागवओ सगल-तिहुअण-माणखभस्स उसभ-सामिणो भाग-रण्णा य सोववासाए णट्टोवहारो दायचो । तं ओअर पुत्त । 'पट्ट-सज्ज ति। तो सा तीए, अब्भत्थिया विणिग्गया पट्ट-जवणियंतराभो मणोहरा महाकण्णा ।।मविय सिहि-गलय-णील-मरगय-सरिस-वण्णा सा य उवागया तं पवर-मुरव-वंक्रमणहरं रंगभूमि । जिण-पडिमाण [क]य-प्पणामा पणच्चीय गीय-वाइयाणुरूवं, अह-मयकरण-संपउत्तं पत्तीमइ(बत्तीसइ)-भेयं णट्ट उवदंसयंती ।
तो हं तं क(? कु)ल-(कु)रूव-सोभग्ग-वय-समुदयाणुरूवं णच्चमाणि दळूण चिंतेमि --साहु ! अहो ! रुवाणुरूवं णच्चिय ति । जइ मे अण्णा वि कसिण-बाणा भारिया हवेज्ज, तओ एरिसी हवेज्ज त्ति । णवरं च ममं ससिणेहं पेच्छंतं. दटुं अाणिलजसा सासूम-कडक्खा : भणइ- अहो ! ते ऐस अवितित्ता अण्णासिया दिट्ठी। बहु-प्पभाया य संपयं रयणी वट्टइ । उटेह, वच्चामो लया-घरं ति । ताहे मं घेत्तणं हत्थे गया लया-घस्यं । समइच्छियाए य णिसाए, समुग्गए दिणगरे म समत्तं पव्व-महिमं काऊणं गयाइं स-नगराभिमुहाई खयर-वंद्राई ।
अहं च पञ्चूसे कय-समत्त-सावय-सामाइय-णियमो, गहिय-पच्चक्वाणो, कयस्थुइ-वंदणो, पच्छा तम्मि सरे अवईण्णो कुसुमुच्चयं काउं पउत्तो । अणिलजसा य सर-तीरे दिणगर-दिण्ण-दिट्ठी बालायवं सेवइ । एयम्मि देस-काले णमिऊणाययणाइं जिणघर-विणिग्गया वेरुलियमाला तं सर-तीरं उवागया । दिद्रा य तीय तत्थ परम्मुही बालायवं सेवमाणी अणिलजसा । ताहे ठविय-सहिजणा सहियं उवगंतणं करयल-जुवलेणं णयण-जुयलं परम्मुहीए ठएइ । तओ अणिलजसा तीए बाहुलयाओ परामुसि[उं] भणइ--विण्णाया सि, वयंसि ! मया । मुम मुमवेलियमाले ! त्ति । तओ वेरुलियमाला पहसिउं भणइ-जस्स महारोहिणीविज्जा-कयइ(?) संकुग-देवयाओ कहं सा ण णाहि ? ति । एवं बेंतीय मोत्तं णयणाई अवयासिया अणिलजसा । तीय वि तहेव परिदेवंतीए य भणियं अणिलजसाए-वयंसि ! को मे महारोहिणी ? भट्ठाओ मे सव्वाओ वि विग्जाओ त्ति । वेरुलियमालाए भणियं ---हला ! को कोवो देवयाणं ? ति । अणिलजसाए भणियं---वयंसि ! तुढेसु मे देवयासु भट्ठाओ, न उ कुविएसु । तं सोऊण विम्हिय-हियया भणइ-कहं तुद्वेसु भट्ठाओ ? त्ति । तीए भणियं-पिय-कज्जे में विष्ना-भंसो । तस्स य मरणपत्तस्स जीविय-लंभे विज्जा-भंसो वि मे सफलो,
१. णदासज्ज खं० विना ॥ २. एसा आवि० ख०मो० विना ।। ३. पेहु० ख० ।
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |