Page Text
________________
सत्तमो अणिलजसा-लंभो
१५१ विउविद-वग्ज-महा-जाल-परिवेढिते 'णिरुद्ध-भत्तपाणं 'महा-गुंपगदं रक्खध, बाहिरते गहित-पहरणावरणा । ___ ततो हं विग्जाधरेहिं गाढतरं बंधिदूर्ण पक्खित्तो गुप-गिह-चारए वरमकुडे । ढक्कितं च से तेहिं गुप-दुवारं । जादं च णवरिं णिरय-णिपातंधकार-सरिसं गुप-गिहं । ततो मया वि कतं सागारं सव-पच्चक्खाणं जधा-उवसग्गादो मुक्केण मे पारेदव्वं, मरणे वा अणसणाए ति । एवं कादं णमो देवाणं ति पंच-णमोक्कारयं मणसा जवयंतो अच्छामि । णवरं च सहसा हेट्रातो महिं वज्जमुहीय विज्जाए दालेदूणं, भूसण-रतणप्पमाए गुपं उज्जोक्यंती, दिणकर-किरण-माला इव सहसा सकल-परद्धंधकारा भूमिविवरातो संयंभू विव देवदा समुद्धाइता सा कण्णगा अणिलजसा । गहिदमणुण्ण-भत्तपाणा दर-परुण्ण पगलितंसु-णयण-कमला पणता मम णियग-णाम साधयंती । भणति य मे सैइरं दुक्ख-पीलित-कंठा--अज्जपुत्त ! हिजो वो तण्हा-छुधा-किलंताणं दारु-पव्वते जलण-परिगदाणं दियसं गतं । तं एतं वो मया पारणयं उवणीतं । पारेध । दुक्ख खु खुधप्पिवासासु बाधिता बंधणं सहध । ततो मया भणि अणिलजसा-सिहर (हरि)दसणे ! मया सागारं भत्तपच्चक्रवाणं कदं, उवसग्गातो मे मुक्केणं पारेतव्वं ति । किंतु पुछामि ते, किध तुम हेटातो भूमि दालेदूणं उद्घाइदा इधं ?
___ तीए भणिद-देव ! सुणध, अस्थि वेदड्ढस्स उत्तराए सेढीए गगणवल्लभणगराधिवस्स विज्जाधर-रण्णो चंदाभस्स मीणकेसाए देवीए अत्तिया बॉलचंदा णाम रायकण्णा । सा य मम बाल-सही होति । अण्णदा य मे तीय पासगदाए विज्जा-पुरच्चरण-दिक्खिदा माणसवेग-भगिणी तत्थ वेगवती दिद्वा । ततो पुच्छिदा य मे बालचंदा(ए) तत्थ-वेगवती[ए] किं वा एवं अण्णमेयं विज्जा-साधणं ? ति । तीय भणितं -एदीय पति-कज्जे विज्जा-भंसो आसि । तेण कारणेण पुण साधण करेति । ततो मया भणिदा-हवा ! को पुण वेगवतीए भत्तारो ? त्ति । तीय भणिदं--सच्चं नधा वेगवति-भत्तारं ण जाणसि ? त्ति । मया भणिता-सच्चं, ण जाणामि । तीय भणितं-ओ! दुक्खं जीवसि, जा तं णर-ससंकं ण जाणसि ति । एवं भाणिदूणं तोय ततो तुज्झ संतियो
१. णिरुद्धं णिरुद्धभत्त० ख० मो० ॥ २. महीगुपगदं ख विना ।। ३. गुंफ मो०॥ ४. हेढातो ख०मो०विना ॥ ५. दूसण• खं०विना ॥ ६. सुइरं खं०विना ।। ७. बालचंद्रा खं मो० ॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |