Page Text
________________
१४०
वसुदेवहिंडी-मज्झिमखंडे
रिसिकुमारो रायपुत्तेण सह । अब्भत्थणाभि य विविधाहि कथंचि किच्छाहि णिययतल्लडीय समारोविदो। मासण्ण-सया(?यणिज्जा)सण-भोयणेहिं य उवचरिग्जमाणो वञ्चदि सह रायसुदेणं ।
- कमेण य परागदा कावेरि । गदा य पुण्ण-पतिण्णा परिवाइया रूविणिसगासं, पूजिदा य तौए । महदा य अग्घेणं पडिच्छिदो सुंदरपाणिणा कणगरधो । वत्तं च से विभूदीए रूविणीय सह पाणिग्गहणं । उवणीदा य पदोसकाले कणगरधस्स सोवणयं रूविणी । कणगरपो य मणमवि रिसिकुमारस्स वियोगं ण सहति । सो य रायपुत्तेण तं समयं सहाविदो । पविट्ठो य सोवणयं । दिण्णासणो णिसण्णो रिप्तिकुमारो तं रायपुत्तं भणति-किं मे वधु-सहितो अवेलाए सहावयसि ! पच्चूसे मिलीहामो ति । रायपुत्तेण भणिदंण मे वधूय कज्ज तत्थ, जत्थ तुम खणमवि ण पेच्छामि । तं एसो परमत्थो । एत्थ चेव तुमे सुविदव्वं । असुवंते वा एत्थ तुमे अहमवि इधं ण सुवामि । रिसिकुमारेण भणिदं-कमिलो(गहिलो) सि तुमं जो ममं बम्हचारिं वधु-सहिदो सुवंतो इच्छसि एग-वासघरे सुवावेदु । रायपुदेण भणिदं-एवं वा सुविदव्वं, ण सुविदव्वं वा मे इथं ति । तदो तस्स अणु भत्तीर अन्भुवगदं तेणं । ठविदं च से तत्थेव एक पासे जवणियंतरिदं सयणिग्नं से । मुचिरं च संकधाओ कादं णिहावसं उवागदो [रिसि]कुमारो, रायपुत्तो वि वधु-सहितो जहा-सुहं अभिरमिय । गदा य सा रादी । एवं दिणे दिणे तत्थेव सुवदि । गदाणि य से बहई दियसाई । जादा य उप्पण्ण-पीती पणय-सिणेहाणुरागा वधू । पेच्छदि य कणगरधो अभिक्खणं रूविणि-सगासे अल्लियमाणिं तं परिवाइयं ।
अण्णदा य अवर-रत्त-काले सुत्त-विबुदाणं सइरालाव-कधासु पयत्तासु रूविणी रायपुत्तेण सह परिहासं करेदि, इसिदत्ता य कण्णं देदि । कमागदे य तत्थ तदाणुरूवे बमण-पधे रूविणीए रायपुत्तो भणिदो-अज्जपुत्त ! अहो तुम तीय बहु-सिक्खिदाए तापसीए [वसी] कदो मासि । मम पुन्व-दत्ताए वि तुमं तीय पासठितो मम कि, पि सोडुं छसि । अहो ! मदि-प्पिया ते मासि सा तावसी ? तेण हसिदूणं भणिदं–ण मे सा पिया । अह पुण सा पिया होती, तदो हं तोएव सह जीवतो. मरंतो वा । ण य तुह सगासं आगच्छंतो । अवि य,
कह सो पिउ ति भण्णदि भलिय-निबंध(? बद्ध)क्वरेईि वयणेहिं । जस्स 'वियोगुम्हवियं दर(व) त्ति जीयं ण विहातं ॥१॥ तं एसो परमत्यो गृणं मे [ण] पिया पिया(?) इसिदत्ता । १. वियोगुम्हहवियं खं० ॥
Jain Education International
For Private & Personal Use Only
www.jainelibrary.org |
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |