________________
तइओ मेहमालालंभो कय-वयणाणुण्णाए मावासियाणि य मो कप्पपायव-घरोदरे, पारियं च पभावईए कप्पदुम-प्पभवं अमय-रस-पाण-भोयणं ।
तओ पभावइ-पारणावसाणे सा मे सालभंजिया वधू हेमयसार सह एक्कतं अवसरिऊण, किं पि सुचिरं मालवेठ, पच्छा ममं समल्लोणा। पहसंतो य ममं हेमयसा भणइ- अज्जपुत्त ! जं ते एसा णववधू विण्णवेइ तं' सुणाहि । त्ति अणुण्णाए भाणिउँ पयत्ता, भणइ य लज्जोणत-वदणारविंदा मत्त-कोकिल-णोहारि-सरेणं --देव ! सुणह, अंवुद्दीवग-भरह-वेयड्डुत्तर-सेढीए चिलायवद्धणं णाम णारं । तत्थ य मेहरधो णाम विज्जाधर-राया, असुमालिणो य से देवी, तीए पुतो घणरधो णाम कुमारो, भगिणी य से मेहमाला णाम । मेहरधस्स य रणो बितिय देवी मंदरा णाम, तीए पुत्तो मंदरदेवी पंच य कण्णाओ मंददरा (?)णामधेग्जाजो । तस्स य जेट्ठो भाया जलदसणो णाम । तस्स पचण्हं देवीणं सलक्खणाओ कण्णाओ तं जहा- रोहिणीए अरुणपदी, सुलसाए अरुणप्पभा, सामाए अरुणवेगा, गोरीए सुप्पमा, सूरणोए सुरकंता ।
तत्थ जा सा मेहरब-सुया मेहमाला तं ताव ममं वियाणेह । मम जेट्टपित्तिय-सुयासु पंचसु वि मह महंतो सिणेहो, ण सहामो परोप्परं वणमवि य वियोगेण( ? वियोगं)। सो य तासिं पिदा कम्हि यि कारणे संजणिय-वेरग्गो समणो पव्वइओ । 'ताओ य मम भाउणो घणरघेणं विज्जागहणं कारियाओ ।
अण्णया य तासिं ममं च आलावो जाओ--'हला ! किह णाम अम्हं आमरणंतियं अवियोगो हवेग्ज' त्ति । एवमभिक्खणं ठियामो । अह कयाइ मम पिउणा सिद्धादेसो मित्तिओ पुच्छिओ-'कया मम दुहियाए मेहमालाए भत्ता हवेज्ज ?' त्ति । तेण सुदिट्ठ-परमत्थेणं भणिओ राया--'ण हु भे मंतुं (?) काउं (.), पुच्छताणं अवस्सं कधेयव्वं । एसा तव सुया भादि-'विवायगस्स भारिया भविस्सइ । ण य णिमित्ते अतिकमो अस्थि ।' तं च सोउ राया चिंतावरो जाओ।
सो य से सुदो इत्थीसु लोभिल्लदाए अंते उरे असंतुट्ठो बहुसो जणवदंतेसु अणायार-बहुला( ? लो ) हिंडति ।
१. यं. वा. विना ॥ २. भाणि खं० विना ॥ ३. 'मंददरा' पाठः ख० प्रत्यां नास्ति ॥ ४. जलदलणो ख० वा०विना०॥ ५. तओ खं. विना ॥ ६. विढिय खं० ॥
Jain Education International
For Private & Personal Use Only
www.jainelibrary.org
