Page Text
________________
९८
वसुदेवहिंडी-मज्झिमखंडे सुक्कार-'बंधणु(?)-वेव(हल)-लोयणा अभिरामिया मे जहा-सुहं । उवलक्खिओ य से कुमारि-वियारो । हासेण य सुरवधू विव मण्णिदा मे । रतावसाणे य 'उट्टिया परियट्टिय-वत्था । ताइं च कुमारी-भाव-सूयगाई वत्थाई एक्कदो णिक्विविद् कय-सलिलकज्जा पुणो वि मम सगासं समल्लीणा । पासे य मे णिसण्णा । सणियं च मे कण्णमूले तीए ममं किंच(चि) संखेवओ कहियं । तमहं परिघेत्तु परम-तोसमुवागमो गमेमि य सुहेणं तं रयणि ।।
पभाताए रयणीए पुणरवि तिरक्खीकरण(?क्करणी)ए विज्जाए तं चेव सालभंजिया-रूवं काउंठिया। आगयाउ य मे पासं पियाउ । ताहिं य मे कय-प(?पा)भादुग-संगीत-मंगलाहिं विपंचि-वेणु-विणाणुसारेणं गंदणवण-कप्पपायवाण सुर-वंतराण य गीतं विसेसयंतीहिं गीत सुति-विसय-हरं वरंगणाहिं । तओ पच्छा तामो कयपणिवायाओ सपरिहासाओ य ममं भणंति- अज्जपुत्त ! सुहं वो रयणी परिणया वधु-सहियाणं ति । मया वि अंतोहियए जाय-हासेण चेव भणियाओ पियामो-अतीव मे सुहं हेमयसाए पसाएण ति । तीए भणियं- किह मम पसाएणं ? ति । मया भणियं-सुयणु ! जेण एस मे सालभजिया तुमे दिण्ण त्ति । तओ हेमयसाए सहासं 'उदेहि हला ! सालभंजिया ! सवत्तिणि !' त्ति भणंतीए समुक्खित्ता ममं पासाउ लहं, भणति य ममं- पिया दे, उदेह अज्जपुत्त ! इयाणि गेण्हह एयं सालभंजिय, वच्चामो पभावइ-सगासं, ज ते सालभंजिया-सहियस्स तुह दंसणेणं तीए सिझंति विज्जाओ।
सओ मया चिंतितं- मम ताव सिद्धा विज्जा, पभावईए पुण जं होहि ति । तमो उदिओ है । कय-दव्वावस्सयस्स मम दिण्णा तीए सालभंजिया हत्थे । ताहिं य सव्वाहि य वि सहिओ पाय-चारेणं गओ हं पभावइ-सगासं । अवलोकिओ अंह आसण्ण-गओ पभावतीए, सिद्धा य से सपरिवारा भगवती पण्णत्ती, आगारियं च आगासे जहा-सिद्धा ते पुत्त पभावइ ! अहं सपरिवारा पण्णत्ती । तुद्वो ते भगवं णागराया । उप्पयाहि (णि) सिग्धं जलातो त्ति ।
तओ उप्पतिया पभावती जलाउ, उप्पा तेंती मम हियय-हरिसं, पडिया य मे पादेसु । पडमाणी दु हिदय-दुक्खं मे भणति य- अज्जपुत्त ! जाया मे विज्जासिद्धी तुह बधुजण-सहियस्स पसादेणं ति । मया य पियं भणतेणं अभिणंदिया। अषयासिया य मे सुयणु धम्मभगिणीसु वि य तहेव ।
१. बुधणु ख० ॥. २. बिंब खं० ॥ ३. उहिया ख० विना ॥ ४. हे खं. ॥ ५. आह खं० ॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |