Page Text
________________
वसुदेवहिडी-मज्झिमखडे तम्मि समए उल्लरेंति य मे पियाओ कुसुमुच्च[य]-लाग-लोयणाओ सुरभि-कुसुम-लया"वियाणाइ-[ग]द-दयिदा-कर-कमलाकड्ढि उयय-कुसुम-भरोतासि(१)-करतल-फारिस-वसेण कुसुम-केसर-रोमंच-कंचुयं पि[व] वहंति, महदुमा सरहस-गिह(हि)दा(?दो)वहिदकुसुम-प्तमोभट्ठा पुणरवि-विमुक्क-धुत-किसलयग्ग-चल-लोव(हल)-वेविरोउ सदेवणाउ(:) व्व उण्णमंति कप्पपायव-लताउ, पहणंति य कुसुमेहि परोप्परं का यि(वि) सप्पहासाउ, मालेति य अण्णोणं किसलय-लोलेंत-कण्णाउ, कणग-तरु-संभवेहि मणहरगंध(धु)चिरंत-सुमएहिं मालेति ममं पि पुणो अच्छरसाउ कुवेरं व । एवं तत्थ चिरं मभिरमिऊणं अलिकुल-हलिउ(लह) लिदाउ पवर-कप्पदुमंतरेसु ताहे भणंति मम-अज्जपुत्त ! मावासेह इदाणिं । ततो तासिं अणुमएणं आवासिमो हं जाणुस्सेह-पमाणमेत्त-कुसुमोवका(श्या)र-कलिमो(?ए) पलंवंत-लंबंत-सुरभि-कुसुम-हत्थय-पवधर-प्पया(१)भिरामे, वर-पउमराग-मणि-सयण-संकुल-कुसुम-कच्छुरण-भार-गंभीर-भासरे, पवरकप्प-पायव-लता-जाल-सुरभि-घरए । तओ कएसु य मज्जणादीसु सम्वोवयारेसु, पयावितप्पयतस्स (6) मे ताहे मत्तंकय-पायव-कुसुम-लया-फल-गलिय-सुरभि-मयरंदसंभवं, अमद-रस-सम-रसं, परम-सादु-सीतलं, विमल मणि-सिलातल-कूड-भायणावासियं, सुरभि-कुसुम-वासं, पउमराग-मणि-सलागा-सरिस-प्पभ, पारावत-णयण-ससरुधिर-गुंजद्ध-राग-बंधुजोवेप( ! य)-जासुमण-असोग-कुसुम-रोग-सरिसमुल्लसिय-तेयमंडलं, देव-मधुं णाम अमय तिय-लोग-विक्खायं तं मे उवणीयं पियासु।
तं च मरगय-मणि-भायणेसु लवलि-लवंगोळ्य-(१)बउल-नीलुप्पल-गंध-गम्भिणेसु पिया-सहिओ मदमदणं पेम्म-पीणणं णयण-मण-तुद्वि-वद्धणं पीयरं(पिययरं !) इच्छाए निघोट्टेमाणो विहरामि । “पउर-वरोवभोगो य अभिरमंतो सुह-सागरावगाढो गयं पि कालं न या[णा]मि ।
___ एवं अभिरमिऊण य किंचि कालं तओ भणियं हेमयसाए अज्जपुत्त ! मम दो महाविज्जाओ हवंति । ते जहा - गोरी महापण्णत्ती य । तासिं कयराए दिक्विजउ पभावई ? । मया भणियं-पभावई चेव जाणिया एत्य । पभावतीए भणियं-पुष्वपरिचिया मे महापण्णतो, तं चेव साहिस्सं ति । ती दिक्खिया पभावई पण्णत्तिपुरचरणेणं ।। कय-मंगलोवयारं पूएऊण णागरायं ति (१) सत्त-रत्तोववास-गहिय
१. वियाणइदयिदा ख० ॥ २. फसि ख० विना ॥ ३. सदेवणउ ख० वा० विना ॥ ४. परए खं० विना ।। ५. ०वजुयासु० ख०वा०विना ।। ६. रोभाग खं० ॥ ७ पउर-परोत्तभोगो ख० वा. विना ॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |