Page Text
________________
८०
वसुदेवहिंडो-मज्झिमखंडे चिहरिकुलंबर-पवर-गुण-कोमुदी-पुण्ण-यंदो मम वयण-णयण-कुमुदाकर-जोधओ वसु देवो ? त्ति । तीए भणियं-वयंसि ! अलं विसादेण रुन्नेण वा, देहि मे किंचि पिय-निवेइयाए जं ते अणुत्तरं पियं निवेदयामि । पभावतीए भणियं-जइ मे पियं जीवियं निवेदयसि ता ते अहं तह पिएण जावज वं आणत्ति-किंकरो भवोहं, इमं च मे सव्वाहरणं गेह, अन्नं च जं मग्गसि ममायत्तं वरं तं पि य पयच्छोहं तो ते । तीए भणिया-आससदु पिय-सहो आससतु, जीवति हु अज्जपुत्तो, किंतु मं(सं)ताओ पुण जीविय-संदेहाओ (४) फिडिओ ? त्ति । अवि य सुणाहि अवहियाअहं अज्ज रायरिसि-आसमपयाओ सुवेगादियासु सत्तसु वि स-गोत्तिसु सहिया उप्पइत्ता णंदणवण-दंसग्गेणो)सुई मंदरं पव्वयं तेण दुयं नहयलेणं पयाया । पुव्वं च अम्हं वर-कज्जे राय-रिसिणा चारण-जुयलं पुच्छ्यिं , तेसु वि अम्ह अद्वण्ह वि जणीण वेगवइ-भत्ता भत्ता आइट्ठो । सो य अम्हेहिं सावत्थीए कोट्ठगुज्जाणजत्ताए पच्चक्खं दिवो । अज य नंदणवण-प्पया या ओ अंबरतले तस्स चेव कहाकरण-वावडाभो जवेण चुल्लहिमवंत-महिहरो(रे) अइच्छामो । पेच्छामो य अज्जपुत्तं सत्तु-प्पउत्त-विज्जा-थंभिय-सरीरं रूसिय-रिवु-हत्थ-गयं उज्जय-स्वग्ग-पाणिणा माणसवेगेण दस्सुणा हीरमाणं । परियाणिओ य समयं सवाहिं । भणियं च मो परोप्परं-जस्स कहाए य जीवामो एसो हु सो अमय-कलसो इव गरुलेणं सत्तणा हीरइ त्ति । एवं संलवंतीओ संलग्गाओ तेण सह जुद्धं । विउरुब्विय-विसम-पहरणाओ पहयामो जमयसमयं तं दुरायारं माणसवेगं । तेण य पहम्ममाणेण तेंदुओ इव पविट्ठो नहयले भत्ता ते । पडतो य गगण-मग्गे हेममालिणीय संभाविओ। दुयं पलाओ य माणसवेगो । सो य अम्हाहि मधुकरीहिं व मधुघायओ जहा विश्वा)उलिज्जमाणो अईसणं गओ । तओ अम्हे अज्जपुत्तं घेत्तणं हिमवंत-सेल-सिहरे समोवडियाओ । उत्थंभिओ स मया महया आवग्गय-सरीरो भणिओ य अम्हे हिंअज्जपुत्त ! अम्हे ते नियय-गुरूसु पुज्वाणुन्नायाओ संपत्तिवसेण य एत्थ तुह समागयाओ, तं संदिसह इयाणिं जं अम्हाहिं करणिज्जं ति । तो तेण भणियंसुयणु ! तुब्भे मे हियकारिणीओ जीतस्स (?) वि मग्झवसायव(?) । किंतु सुणह-मम पुचोवकारिणी जोविय-दायिगा य पवणजव-सुता पभावई मम कज्जे भटू-विज्जा सिद्धाययण-कूडासण्णे अच्छदि, तीए पासाओ अहं एदेणं सत्तणा अवहिओ मि । सा य संपयं मम वियोगे किं पि महा-वसणं अणुहवइ, त एदेणं कारणेणं भणामि तीए विरहे तीय वसणागतेणं ण मे अण्णासु रंभा-तिलोत्तमासु वि कज्ज, तं
१ समायतं वि० ख० ॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |