Page Text
________________
वसुदेवहिंडो-मज्झिमखंडे उवगंतूण य भणइ विज्जाए परिवत्तिय-सरीरा-पभावइ ! मुय रोत्तव्वयं, अल ते तेण महि-गोयरेण, ममं भत्तारं इच्छसु त्ति । तीए तं दणं स-कलुणाए भणियं-राय माणसवेगो(ग!) पभो ! उत्तम-पुरिसा ण हु ते विग्गएसु पहाति, तं कओ ते मम भट्ठ-विज्जाए परिभवो भावइ-काले अज्जपुत्तं विओईतेणं, इदाणिं एव-गए वि मा कुवि(पु)रिस-चरिएणं । मह कुणह पसायं, मेले(?ल्ले)ह अज्जपुत्तं त्ति । वेउव्वियमाणसवेगेण य भणियं आत-निठुर-गिरेणं-कैओ ते सयं-गिाढ(हि)य-भत्तारे भई । सो य मया तुह पासाओ वियोगेदं घातितो धरणि-गोयरो, ता अलं ते तेण, उद्वेहि, वच्चामो इओ, सिलाहणिज्जो ते अहं भत्ता । तं च सोऊण भणियं पभावईए-लुक्क(कि)दो पडिहओ य सि एव भणंतो, ण हु मम भत्ता तुमे पायय-पुरिसेण मारिज्जइ, सो हु मम पि जीविएणं चिरं जीविहिति काऊण रिउ-हरिण-मद्दणं णर-मइंदो। माणसवेगेण भणिया-मोहासा य मणोरहा, मारिमो सो मए, पत्थयसु ममं पति ति । पभावईए भणिओ-किह ते दुरायार ! एव भणंतस्त जोहा ण पडइ ? अवसर एत्तो अलच्छीए? -ति जंपमाणी गाढतरं परुन्ना । ताहे य तेण वे उब्विय-माणसवेगेणं वेयालि-विउव्वियं तक्खण-छ(१)न्नोवणोत-सरस-पच्चग पगलंत-रुहिरं मम संतियं सिवतजायं(१) प(?पा)डियं मे(?से) उच्छंगे सकुंडलं सीसं । सा सतं दट्टणं अच्छिन्नसरस-पगलंत-रुहिर-धारं दर-णिमीलिय-लोयणं ववगय-जीवं पि सज्जीवमिव मुह-सोहो(१हा)-कंति-प्पभाव-भासरं आवासिय-भैमरउलं विउल-वयणालं पिव पंकय-सरिसं तं च सुइरं णिव्वन्नयंती ‘अवितह'मिाद मम सिरं ति पत्तियंती। ताहे भोऊण खणमेत्तं णिच्चलच्छि-कमलताए तिक्ख-महादुक्ख-संपाद-विक्खद-सरीरा मह-हिमाहदा इव णलिणी मोदरमाण(?)-मण-णयण-वयण-पउमा वतूस्स(?दवदवस्स) पवडतअंसु-सलिला संवत्त(वुत्ता) । एस मे पिओ मारिओ त्ति, हा इमं से य सिरं पवर-लक्षण-समुज्जलं, इमं च से वय(?णयण)-कमलं अदि-पसन्नं तं वयण-पंकयं ति चिंतयंती, हा ! हा ! हध त्ति बेंति तं चिय सिरं दोसु वि हत्थेसु घेत्तूण थणजुवलोवरिं निमेऊणं सोगवस-वियड्ढंत-हियय-संताणा(वा) हाहक्कारोरसंत-गंभीरकलुण-रवा, सरसरसरस्स मोहं उवगया। सुचिरं च तहिं मादाइ(१) होतूणं ताहे पुणो समासत्था कलुणतरै विलविर्ड पयत्ता
१. ०य सिरा ख० सप्र० ।। २. वूओ ख० विना ।। ३. भद्दा ख० ॥ ४. भरमउलं ख० विना ।। ५. टेव ३ स्स खं० ॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |