Page Text
________________
६५.
पढमो पभावइलंभो न सभा वुड्ढ़-विहूणा, वुड्ढा वि ण होंति जे अधम्मिट्रा । धम्मो न सच्च-रहिओ, न य सच्चं होई छल-जुत्तं ॥१॥ धम्मो य अधम्मेणं हम्मति सच्चं च जत्थ अलिएणं । ववहार-विसम-कारी हम्मति सभासदा तत्थ ॥२॥ पविसिज्जउ मा व सभं अह वेत्थ भणेजदू जहा-भूदं ।
जइ न वि बाहेति तदो जइहिइ धम्मेण जो बलिओ ॥३॥
तं पेच्छह ताव भो ! तुझं केरिसो सभायारो ?, अहं ताव एएणं पच्छाबाहओ बद्धो धरणितल-निसन्नो य, एस मम पुण पच्चत्थी य सीहासणत्थो, पेच्छह एदं अत्थि-पक्खीणं(पच्चत्थीण) जहा समं पयति, जाणह य एवं करेंतो किं ताव एसो सभं अहिक्विवति उदाहु अहं ? ति, जइ य एतं एवं समं भवइ एवं वा महासभा भवति ततो तुझं चेव जाणया, अन्नहा का सत्तीमा सभं अधिक्विवितुं । ततो रन्ना वाउवेगेण भणियं-सच्चं खु भो ! भणति एसो रायपुत्तो, ण हु एतं समं, तं मुंचतु एतस्स बंधणाई, उढविज्ज उ य आसणाउ माणसवेगो, ताहे समं ववहरंतु । ततो माणसवेगेण भणिदं-किं भो ! महि-गोयरो मया सह समाणो. भवोहिति ? । वाउवेगेण भणितं-[*' ................ । माणसवेगेण भणियं-*] धरिसिता भगिणो य मे वेगवति एएणं विणा गुरु-जणाणुन्नाए सयमेव पडिवन्ना, ततो नत्थि चेव एतस्स ववहारो, केवलं निग्गहो एव अरुहति । ततो वाउवेगेण भणियं-किहमेतं रायपुत्त ! जं माणसवेगो भणति ?। मया भणियं-राय ! सुणह, एसा मम भारिया एएण चोरियाए मम पासादो सुह-प्पसुत्तस्स अवहरिऊणं स-भवणं पमदवणे ठाविता ण य णाम अंतेउरे, ततो हं नियय-भारियं(?) कूतं(कते) आगदो एतीए सह अच्छंतो असोग-वणियाउ एएण बंधिउं इहाणीओ, जइ एवं अंतेउरधरिसिओ होमि तओ तुब्भे चेव पमाणं, जं पि य एसो भगिणी-कज्जे भणति तत्थ तातं तीय नाम पि न गेण्हामि, तं पुण कैज्जं जधाठितं तधा तुम्भे वि पच्चक्खं चेव विज्जाबलेणं एवंचेव(?पवंचेघ), सुठु णायदो अणुपरसध, णाहं एदं अणुणयामि, एदम्मि तण(?णु)म्मि य मर्म समंता पडिभायति पोरिसि(सं), एते(१स्थ) ण य मे एतातो अन्नातो वा पयतातो भयं अत्थि, ण याहं एएणं खत्त-धम्मेणं जुद्धे जिणिऊण बद्धो, जणणोए से सामेण अणुणिदो तेण मे बंधणमित्थं ति, खत्तितो हं, णाहं . एतस्स बीहेमि, अवि य
१ * * अत्रान्तरे कियांश्चित् पाठस्त्रुटितः सम्भाव्यते ॥ २ ०यं मूतं खं० विना ॥ ३ जज बंधावि० ख० ॥
Q
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |