Page Text
________________
वसुदेवहिंडी-मज्झिमखंडे पहिणाओ(?) आहारो उवणामिदो ? त्ति । ततो चेडीहिं भणियं-सच्चं ताव तुमं एच्चिरं कालं आयंबिलेसु ठिया, किंतु देवी माणवेति-एस ते पिय-सही य पभावती बिइज्जिया इधमच्छति एतीय कएणं एस सज्जिओ आहारो, एस वो(वा) किह तुमे अभुजंतीए भुजोहिति !, ततो दोण्ह वि जणोणं एयं चिय सज्जियं ति । ततो पियाए सासूयं सणियं च भणितो हं-अज्जउत्त ! जाणियं खु देवीए तुहागमणं, न एत्थ संदेहो, केवलं किं पि कारणेणं न पडिभिन्नति । ततो विसेसेण एस अज्जं जामाउगस्स काउं आहारो सुसक्कतो त(?क)तो त्ति । ताहे पुणरवि तातो चेडीओ भणंति सोमसिरिं, जहा-देवी ते आणवेति-पुत्ति ! अवस्स ते अज्ज एदं भोयणं भोत्तव्वं ति । ततो तीए अब्भुवगता ताहे जिमिदाणि मो विधीए तासु कय-पडिवेसणाई । ततो गहिदायमणोदगाई. पमदवण-गताई जहा-सुहं मभिरममाणो (? रमामो)।
. माणसवेग-परियणो य पियाए व[य]ण-सिरिं (अ)विप्पसन्नं लक्खेउं परोप्पर संलवति-परम-मुदिता हु अज्ज एसा महिगोयर-राय-दुहिता .दीसति त्ति । गए य तम्मि दिवसे संझा-काल-समए माणसवेग-परियणे, संपते पदोस-काले, महं तु पभावति-दिन्न-सन्नेज्झो पुणरवि साभाविय-सरीरो उवट्टित-पादोसिय-काय-चेद्रावियार-वेसो सह पियाए अभिरमामि । पुणरवि पभात-काले तहेव पभावति-रूवेणं अच्छामि । वहदि मे खणे खणे पभावती उदंतं दिण-रातीसु । एवं मे पच्छण्णं अभिरमंतस्स गयाई कतिवयाई दिणाई।
अन्नया य पच्चूस-काल-समए समक्कं[त]-तारए अंबर-तले पुव्वतर-विसु(बु)द्धाए सोमसिरीए सइर-प्परुदिदाए अंसु-सलिल-धाराहिं सित्तो ऊसुंभिद-सद्देणं पडिबुद्धो हं । ततो मया संभंतेण उट्ठेऊण पुच्छिया-सुयणु ! किमेयं ? ति । तओ सा परम-कलुण-स्सणा मणमणमणस्स रुयमाणो ममं भणति-अज्जपुत्त ! ण णज्जदि हु अज्ज पभावतीए को वि पमादो जाओ, णागदा इहं, इमं खु तुह रूवं अज्ज साभावियं अपरिवत्तिय-वेसं दीसति, इमा य बहु-प्पभावा(?ता) रयणी वट्टति त्ति । तमो मया वि उवउत्तेणं दिटुं अत्तणो साभाविय-रूवं । भणिया य मे पिया-सुयणु ! मा भायसु, णत्थि मे भयं पर्वैग्गदे(?एवंगते)वि, णाहं माणसवेग-पदं[ग]सं(हस्स) गमो (हम्मो), पेच्छ मे पहावं जह से अज्ज दप्प-पसमणं करेमि त्ति । सा भणदि-सामि ! सुटु वि तुम बलवतो भोदं किं काहिसि एगागी :, सुठु वि य उग्ग-विसो भुयंगो एक्को
१ णिउं खु० ख० विना ॥ २ पसत्थ खं० विना ॥ ३ सयरुप्प० ख० विना ॥ ४ ०वदिवि ख० विना ॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |