________________
वसुदेवहिंडी-मजिसमखंडे जव-सुता पन्नती(?पभावती) भणामि । एतेण कारणेणं मम कत-पदिणाए ण जुज्जति मे अद्ध-पहेण सय-विलुंपणं पईणा-लोवणं च काउं, जेण] अकुलियचरितं अणागरत्तं च एयं, तं अवस्स य होहिति पुणो वि सो समयो जत्थ हं तुह मणोभिलसितं मणोरहं पूरेहामि ।
ताहे भणिता मया पभावती-पलास-लोयणे ! का एसा नागरता णाम ?। तीए भणितं-कुमार ! णागरदा णाम पंडिच्चं निययोवरोध-सहणा परच्छंदाणुयतणा सव्वज्जवता व(य) मद्दवत्तणं दीहावेक्खित्तणं णिगूढ-भावता गंभीरत्तणं कुसीलवज्जणा साधु-जण-निसेवणा दयालुयत्तणं अग्ग-भासित्तणं दक्खिन्नता य अपिसुणत्तणं विणतो संविभागसीलता य परोवयारित्तणं च, एयं णागरत्तणं, ण हु णग-संवासेण णागरत्तणं भवति ।
ततो मया चिंतित-साहु अहो ! पभावती पंडिता जा एत्तियं वियाणति । जाया य मे विसेसेणं हिययस्स बहुभता तेणं कुलाणुरूवेणं चरित-चेट्टिएणं । ततो भणिता मे-सुयणु ! णयसु मे सोमसिरि-सगासे । ततो सा सहरिसा ममं खंधे विलाएवं सुरवधू इव विज्जोययंती दिसातो नहंगणं समुप्पतिता एभाविता(१) तरित-तरित-महाजवा । अहमवि तीए चरित-रंजित-हिततो चिंतेउं पयत्तो-साहु भो ! पभावतीए अणुयत्तिया इमा गाहा । जहा
• पीलंति अप्पयं उत्तिमा उ न परं ति मरण-काले वि ।
णोया स-कज्ज-तुरिया, पर-पीलं नेय "पेच्छति ॥१॥
इय जा एतं चितेमि ताव संपत्ता पभावती आसाढ-जणपदं स्वयर-वरणगर-मणहर-गामागर-पवर-काणणाइण्णं ।
भव(ण)ति य मे पभावती-अभा(भो) सामि ! सुवन्नणाभं नगरं मुवन्नपुरि ति य भण्णति, एवं च रयण-पज्जलित-जलंतुज्जल-कणग-मणि-करारुणसिहरं सत्तुस्स ते माणसवेगस्स गगणतल-गत(तं) घर-मंदिरं । -ति भणंती चेव समावतिता तस्स पवणे(?पम)दवणे । सा य मे तत्थ अंतद्धिय-रूवं एगस्स पवरासोग-पादवस्स खंध-लग्गं ठवेउं अल्लीणा सोमसिरि सिरिं पिव लच्छी । दिदा य तीए तत्थ एगागिणी लता-घरय-गता जग्गमाणी दाहिणुत्तनभ-निवेसित-लोयणा मम पहावलोयण-परा ।
१ .न्नत्ती खं० विना ॥२ इण्णालो० ख० विना ।। ३ ०कुलय० ख० विना ॥ ४ रस्स चा० ख० विना ॥ ५ अप्पिय खं० विना ॥ ६ पिच्छं खं० विना ॥ ७०णतिलगं घर० ख० ॥ ८ निसेवित० खं० विना ॥
Jain Education International
For Private & Personal Use Only
www.jainelibrary.org
