Page Text
________________
पढमो पभावइलभो एस सहो । पुणो य णाए भणितं- अहो ! सुद्धमय-सहावाए सोमसिरीए निरस्थिया सद्धा जा ऐतं एतीए सयल-जुवति-रक्खसीए पासादो चालेउं पि य इच्छति । एतं च गिरं सोऊणं मता वित्थारिताई लोयणाई । दिट्ठा मे य दूर-देस-द्विया कन्नगा विज्जु-लता इव पभावई ।तिय उद्धा(द्ध)-तुंग-णास-समणुवहत-तंब-बिबोटू-वदण-ससिसमुज्जलं इंदमह-कोमुदि-णिसं पिव सपुन्न-चंदं विसिट्ठ-सुसिलिट्ठाणं गचाव-सरिस वरभुमय-भमर-णपाण(१)मरविं-दपत्तल-विउल-सोभितं दळूण · ममं परं पसाद-गताणि णयणगाई ति परम-रूव-सोहग्ग-संपदोववेतं पेच्छमाणस्स मम अणिमिस-णयणस्स एगेंदिओ अणिदिओ इव अप्पा संवुत्तो।
पेच्छामि य से गायढेि तरुणय-वण(?णव) राग-सुहुम-पउ-कंबल-पडिपुच्छणसरदारुण-मज्झगतं पिव सोतामणिं जहा अतीव तेयसा पच्चोवितं । चिंतेमि यनूणं से सवणोलंबि-कुंद-मणि-मयूह-पसारित-समत्त-रय-पभा-गुण-रंजितं इमं मणोसिलासुहुम-चुन्न-पुन्नमिव हम्मिय-तलं अवगच्छामि । परम-ति-कलितं च से आणणं दठूण चिंतयामि- चत्तारि खलु गुणा वयणस्स कुसलेहिं उदिवा, तं जहा-सुंदरतण ओयस्तिता लायण्णं सस्सिरीयत्तणं, ते य चत्तारि वि समत्ता दंसेति, अहो ! से रूव-समिद्धी, किं नु खलु इमा तिलोत्तिमा सव्व-तरुण-जुवति-जण-सारा सव्वामर-निम्मिदा ता हवेज्ज त्ति
सा य मतं पारिताय-तरु-पवर-मंजरी-सुकुमालतराए रत्तासोग-किसलय-दलप्पगासाए अग्गंगुलीए सन्नेउं पयत्ता भणति- आगच्छ कुमार ! सव्वं उवलभीसिहै । ततो मया चिंतितं- न सुंदरं जातं, एसा मे सन्नेति विवेलाए एगागिणी य, इमा य मम पिता पियंगुसुंदरी अतीव तेयस्सिणी जइ ममं उट्टेमाणं वेतेति कहंचि य तं पेच्छति ततो कुविता महता वि जत्तेणं दुप्पसायणिज्जा होहिति । पेच्छामि य नियगखोम-साडग-देसं पि ताए सुत्त-प्पसुत्ताए समकंतं । चिंतेमि य-ण मे अस्थि उद्राणंति संकितो जातो । ततो सा पुणो वि सललित-पव(!ह)सणा ईसिं पहसिऊणं दंत-प्पहाकिरण- विस्सि(स.)र-मुइद-वयणा भणति- उद्वेति । न सा एयं उद्वेमाणं वेतेति, कद्र(ड्ढ) साडय-पल्लवं, सुयउ एसा जाव तुह रुच्चइ त्ति । ततो हं तीए वयणेणं वीसस्थतरो, सणियं मोतेऊण ससंकितो साडतो, तओ समुट्टितो हमिति(?) भवणाओ। . १ एवं पती० ख. विना ॥ २ ०वपती । ति० ख० विना ।। ३ गाइट्टि न. विना ॥ ४ ०रुणय वणगार सुममउंकवलपडिपुच्छाणसणदारूण खं० विना ॥ ५ य- भूणं से सदाणोवलं कां ॥ ६ विणस्सि० न० ॥ ७ •ण संसकितो साडयातो खं० विना ॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |