Page Text
________________
२२
वसुदेवहिंडी-मज्झिमखंडे
नाग-वर-बकुल-कुसुम-चित्त-केसपासा, कोकणग-सुरभिले(?)-वण्णा, विज्जाहर-राय-वरवंस-कुल-तिलया, मदणसरागरभूमी मदणवेगा उवागता, मम सभा[रि]या-जणस्स कय-विणय-कम्मा णीयसा-वामतो संखावत्तासणे णिविट्ठा ।'
तह य वर-चारु-कुकुंदरोवहित-णितंब-बिंब-सामलं पुम्वेव(!) सोभा-कुसुमसमुदयोववेया, विउल-घण-पोण-जहणा, कणग-वर-विकार-चारु-भूसण-धरी, तरुणतवण-राग-सरिस-वन्नग-विरायित-मुही, ललित-चतुर-पयोधर-भारा, णाणा-मणि-कणगरयण-भुसण-भार-गंभीर-सोभा , पियंगुतरु-पवर-मंजरी-सरिस-वण्णा पिया पियंगुसुंदरी लोग-सुंदरि व्व सा सिरी पच्चक्खा उवगता । ममं कत-विणत-कम्मा सदयिता-जणस्स दाहिणतो वेगवतीए कु(तू)ल-पुन्ने वट्टोवधाणे णिसन्ना ।।
एतासु या पहेयं किंकर-वर-जुवति-छत्ता(त्त)-चमर-बालवीयणी-धरण-करण-सज्जपरियणावसंठिता, अणवद्वितवे(धे)रिक-बाल-वरिसधर-मुहतरक(१) कंचुकि-जण-सन्निताऽऽणाकारक-सज्जासु(!)। ततो सुरवर-द्ध य-कंबु-परिमंडल-सरिस-कंठ(?ध)र-सिरोघरा, व(ध)राधर-विवर-णीसरित-सकलामल-सोम-चंद-बयणा, णीलुप्पल-सगल-सरिस-र(?ण)यणारविंदा, ललित-समद-मदगल-बहु-लीला-खेदालस-विलासगामिणी, खीरोद-सागरमुद्दा इव सिरी सव्व-जण-णयण मण-हारिणी, णयण-हरिणी बंधूक-कुसुम-सरिसा बंधुमती, मति-विसारदा सारदा इव रयणी रिक्ख-णक्वत्त-गहगण-विरायिता, विविधभूसण-समग्गा, सग्गागता इव सुरवधू सुरत-कम्म-कुसला, [कुसल दत्ताए धाईए समणुगम्ममाणी उगता । कय-विणय-कम्मा वामओ मदणवेगाए मुत्ता-खचितंतकम्मे मसुरए पुन्व-णत्थे णिसीयितुं पयत्ता ।
णिसीयितुकामाए य से वेगवति-दिन्न-सन्नाए मदणवेगाए बंधुमतिआसणं विज्जा-पहावेणं अंतद्धाणं कतं विदिद-विज्जाहर-जण-परिहास-लीलाए । ततो सा अंतद्धाणीकत-आसणावलोइणी अपेच्छमाणी विलक्खीभूता अवमाण-संहिता य ईसिं परुदिता । ततो सा भणिता कुसलदत्ताए-हला ! अलं ते मण्णुणा, आसणारिहाणं खलु अ-णिसिद्धाणि चेव आसणाई राय-दारियाणं, तत्थ एताओ णिविट्ठाओ, तुज्झ पुण जं पुवि अज्जपुत्तणं आसणं णिविटुं तत्थ णिसीयाहि, अवि य इमा लोग-पसिद्धा सुती , जहा--
१. लवणा खं० ॥२. कुसलति० ख० ॥ ३. ०लवसामवातो खं विना ॥४. वरवारकुकुंदरोवहिताणिभ व तंब० ख०विना ॥ ५. अवद्वितचेरिक वावरिस. ख०विना । अणवडितरिक्कबालवरिस० ख० ॥ ६. उवागता खं०विना ॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |