________________
२५
ह किंपि किंपि रवि - किरण - नियर - प ( ३७ब) सरेण वियसियं कमलं । तह ईसि - ईसि - हसिएण नज्जए तीए मुह कमलं ॥ २७७॥ रतंत - सवण - पत्तं सविब्भमं पम्हलं विसालं च ।
लोयण - जुयलं सोहइ थिरालि पंकय सुपत्तं व्व ॥ २७८ ॥
-
चंदद्ध - कला - सरिसं भालयलं सालयं सउन्नं च ।
न य उन्नयं न निमियं ( ३८अ ) लक्खिज्जइ सोक्ख भवणं व । । २७९ ।।
सुहुमा कुडिला नीला अकक्कसा नेय-जुयल-संभूया । अइ-दीहरा न लहुया सिणिद्ध - मिउ- संचिया केसा । । २८० ।। मिउ- कुडिल - केस - रइया अलया भमरावलि व्व रेहति । ४ अहवा कुडिल - सहावा उत्तिम ठाणं न पावंति । । २८१ । । ( इय जा रायसुयाए सुलक्खणं नियइ उसहदत्तो सो । ता परवसस्स च्छी (या) संजाया तस्स - सहस्स त्ति 11 ) * इत्थंतरम्मि तियडुय - तिहला - संजविय ओसह - विहत्थो । सत्थत्थसत्थ-कुसलो समागओ अवसरे विज्जो । । २८२ ।।
?
-
आसन्न - विज्ज- तिव्वोसह्मण गंधेण उसहदत्तस्स ।
कहकह वि खलंतस्स वि नीहरिया दारुणा च्छीया । । २८३ ।। 'हाच्छी' भणेवि देवो अरिहंतो तेण सरणमुल्लवियं । तं वयणं सुणमाणा जाया संभंत चित्ता सा । । २८४ । । चिंत देव - विसेसो अरिहंतो सेट्ठिणा समुच्चरिओ । एसो मए वि निसुओ कस्स व पासाउ कइयावि । । २८५ । । "इय-रुद्ध-वाय-म (३८ब ) ण - काय - 'पसरा बाला विचिंतए जाव । मणसा बंधइ लक्खं पुव्व-भवो ताव संभरिओ । । २८६ ।।
सा संभरेवि दारुण - ' दूसह - गुरु - तिरिय - संभवं दुक्खं । कंपंत - सव्व गत्ता धस त्ति धरणीयले पडिया । । २८७ ।।
-
Jain Education International
१. सणिद्ध. २. रईया. ३. भम्वरा. ४. अथवा. ५. ईय. ६. पसरत. ७. सो. ८. दुसह . * પ્રતમાં આ ગાથા ભૂંસીને તેને સ્થાને ૨૮૨-૨૮૩ નંબર ક્રમાંકની ગાથા ઉમેરાઈ છે.
For Private & Personal Use Only
www.jainelibrary.org
