Page Text
________________
१४०
सो पुण नरिंद मोक्खो ( २२५ अ ) पाविज्जइ सयल - संग - विरईए । सव्व - संगस्स विरई हवइ महासत्त - पुरिसस्स । । १५६० ।।
तुमं च महासत्तो खत्तिय -कुल- समुब्भवो, मुणिय-दुल्लाह - जिणधम्मसम्मत्तो । 'उवलद्ध - पुण्ण-पावो विदित-भव-संसार- दुक्खो । एवं जइ सरसि पुव्व भवं ता तोलेह अत्तणो सत्तं । सहलीकरेह सुलद्ध मणुयत्तं । पसंसह भवजलहि-जाण - तुल्लं संपत्त- दुल्लह - जिण धम्मं । आयरह सुपुरिस जिणाणुट्ठियं सोहणाचरणं । पडिवज्जह पंच- महव्वयाई । आराह ( २२५ ब ) ह नाण- दंसणचरित -रयाणाई । पयडीकरेह अत्तणो वीरियं । परि वालह सत्तरसविहं संजमं । नव- बंभ - गुत्तिविसुद्धं धरेह अट्ठारसविहं बंभचेरं । पयासेह निम्मलं सीलं । परिसाहह बावीस-परीसहो । पत्थेह बायालदोस - विसुद्ध आहारं । सेवेह गुरुकुल - वासं । ताडेह मोह - जालं । दमेह इंदियाणि । निग्गहेह रागदोसे । संवरेह तिगुत्ति - पसरं । खवेह कसाए । साहेह निम्मल - तवायरण- विसुद्धं अहक्खायचारित्तं । समारुहेह खव ( २२६अ ) गसेणिं । किण्ह - नील- कपोय-तेय वज्जिय लेसं अट्ट- रोद्द परिहरिय ज्झाण- दुगं, पउम सुक्क लेसा - परिगयं, धम्म-सुक्कपसत्थ-ज्झाणानलालिंगिय, निद्दहिऊणासेसमवि कम्मेंधण, उप्पाएह सासयसुह- हे भूयं केवल - नाणं । वसीकरेह निव्वाण -नयर-रायलच्छी। छ । गद्यखंड - १२
-
इय राग - दोस - कसाय- मोह-मिच्छत्त- अविरइ - पमायं ।
वजह ति - गुत्ति-गुत्तो जइ इच्छह सासयं सोक्खं । । १५६१ । ।
एयं च पुणो कमसो लब्भइ सुगुरूवएस - दाणेण । ता करह परत्तहिए गुरुचलणाराहणे भत्ती । । १५६२ ।। केरिसो गुरु ? तं जहा
अहिगय-जीवाजीवो जीव - हि ( २२६ ब ) ओ सव्व - जीव- समभावो । विदिय-संसार-रूओ पसण्ण मुत्ती य गंभीरो । । १५६३ ।।
-
. एरिस गुरूवइट्ठो धम्मो नरनाह ! कुणह जिण - भणिओ । धम्मेण सव्व - रिद्धी धम्मेण मणिच्छियं सोक्खं । । १५६४ ।।
१. उपलद्ध. २. वरणं. ३. चालह. ४. प्रसण्ण
Jain Education International
For Private & Personal Use Only
-
www.jainelibrary.org
| SR No. | 002646 |
| Book Title | Sudansana Cariyam |
| Original Sutra Author | N/A |
| Author | Saloni Joshi |
| Publisher | L D Indology Ahmedabad |
| Publication Year | 2002 |
| Total Pages | 258 |
| Language | Sanskrit |
| Classification | Book_Devnagari & Literature |
| File Size | 8 MB |