________________
१३१
अण्णा वि पुलइअंगा उव्विल्लिय-तरल-तिवलि-भुय-जुयला। अमरच्छरा पणच्चइ पयडिय-नव-नट्ट-भरह-रसा।।१४८० ।। इय पयडिय-विविह-सुनट्ट-भाव-सुर-सुंदरीहिं जिण-भवणे। (२१३-अ) अग्ध-विहत्थाहिं तओ एगा दुयई समुच्चरिया।।१४८१ ।। तं जहाजा सुरसेल-सहिय-कुलपव्वय-गयणे तवेइ दिणयरो। गह-नक्खत्तमाल-सुर-संहरु णहे परिभमइ ससहरो।।१४८२।। तासरय-मियंक-कुंदुजल खीरोवहि-जलप्पहा देवि। सुदंसणाए णाह! नंदउ अक्खलिय-कित्ति निम्मला।।१४८३ ।। तयणंतरं देवी सुदंसणा-मण-भाव-विणय-कुसलाए। कय-संकेयाए जंपियं एगाए अमरच्छराए।।१४८४ ।। तं जहा
अव्वो पेच्छ पेच्छ मोहस्स विलसियं, जओ विसयसुहाहिलासिणो मिच्छत्त-तिमिर-पडलंत(२१३ब)द्रिय-लोयणा पच्चक्खमवि अत्तणओ हियं पेच्छंता वि ण पेच्छंति केवि। अहवा मोहमइरा-पाण-परवसाणं केत्तिय एवं? तओ दुइयाओ कय-संकेयाए जंपियं। तं जहा-अहो निसुणेह कम्मपरिणईए, जओ अइ-घण-कम्म-मल-पूरिय-सवण-विवरा पुणो जंपिजमाणमवि ण सुणंति केवि अत्तणो हिययं। एयमायन्निऊण सो विजाहरो चिंतेउं पयत्तो अहो एसो अरिहंतो देवया-विसेसो कोवि कयावि जओ मए वि निसुओ, दिट्ठो य कत्थे य। एसा जीए सुंदसणाए कित्ती य संसिज्जए सावि मए(२१४अ)कत्थ य दिट्ठा, परं किमेयं एयाहिं अमर सुंदरीहिं असंबद्ध जंपिय जहा - ण पेच्छए कोवि मोहंधो ण सुणए कोवि अत्तणो हियएयं चिंतमाणस्स तस्स विजाहरस्स पडिबोहणत्थं इत्थंतरे जंपियं पहाण देवीए सयं सुंदसणाए-'भद्द भद्द-! निसुणेह अत्तणो हियं। गद्यखंड-८
अवि य
Jain Education International
For Private & Personal Use Only
www.jainelibrary.org
