________________
१०७ परिभाविऊण एयं इहेव अस्सावबोह तित्थम्मि । समवसरणस्स ठाणे करेह जिणमंदिरं तुंगं । । १२०१ ।। जिणभवण- बिंबपूया - बलि-जत्ता - ण्हवण- दाण - धम्मकहा। एसा णु सुधम्मे वा देया सत्ताणं बोहि कए । । १२०२ । । अस्सावबोह- तित्थं भरुयच्छे जह मयच्छि ! विक्खायं । जह तुज्झ इमं साहेमि सयल - संसार- दुह - हरणं । । १२०३ । ।
तं जहा
जंबुद्दीवे दीवे भारहखेत्तस्स मज्झिमे खंडे ।
-
पुव्वदिसि (१८१अ ) देवपा (या) दलिय -सयलदोसो सुकिय कोसो । १२०४। पवहंतुल्लोल - जल-प्पवाह- सुर- सरि सुपुलिण-कय- 'खोहो । नयर - पुर - गाम - गोउल-उज्जाणवणेहिं रमणीओ । । १२०५ । । देसाण तिलयभूओ मगहा- देसो सुरिद्धि - संपण्णो । जं पिच्छिऊण वज्जाउहो वि धम्मत्थिओ सरइ । । १२०६ । ।
तत्थुत्तुंग - निरंतर - धवलिय-धवलहर - सोहिय-पएसं । जिणभवण- सिहर - विरइय-धवल - धयारुद्ध - रवि-किरणं । । १२०७ ।। रायगहं राय - हिं[व] जत्थ नयरं जयम्मि सुपसिद्धं ।
जत्थ सया बद्धरया संसय रहिया सिरी वसइ । । १२०८ ।।
(१८१ब) `जत्थुल्लूरिय - रिउ - राय - लच्छि-सोहो विसाल-भुय-दंडो । नाम सुमित्तो राया तिलयो रायाहिरायाणं । । १२०९ ।।
-
तस्स पिया पाण- पिया महासई सुयणु ! जणिय - परिओसा । उवसग्ग मारि चोरा णामेण वि जीए णासंति । । १२१० ।। कय-सील - रयण-सोहा णामं पउमावई महासत्ता । सयल-जण- जणिय- सोक्खा जिणधम्म-परायणा सुमइ । । १२११ । । मुणि सुव्वओ जिगिंदो पाणय- कप्पाउ तीए उयरम्मि । अवयरिओ सावण - पुन्निमाए भवियाण भव - हरणो । । १२१२ । ।
१. कोहो. २. जत्थ.
Jain Education International
For Private & Personal Use Only
www.jainelibrary.org
