________________
८०
ता जइ तायस्स इमं संसेमि न सद्हे (१३३/१अ)इ मह ताओ। लीला-वयणेण वि महिलियाण सव्वो वि पत्तियइ।।८९५ ।। चिट्ठामि जह विरोहो अहवा वच्चामि सच्चयं एयं। इय वसण-संकडे किं करेमि पडिओ गइंदो व्व।।८९६ ।। अहवा ताएण समं नूणं धम्मत्थ-मोक्ख-विग्घयरो दोस-निलओ विरोहो परिहरियव्वो पयत्तेण।।८९७।। अन्नं चकोहाविट्ठो मारइ लोहासत्तो य हरइ सव्वस्सं। माणिल्लो सो य नरो मायावी डसइ सप्पो व्व।।८९८।। एसा(१३३/१ब) कामासत्ता माया-बहु-कवड-चिंतिय-उवाया। चत्त-नय-लज-करुणा वजेयव्वा किमन्नेणं ।।८९९ ।। इय चिंतिऊण एवं विजा-विन्नाण-लद्ध-माहप्पो। गहिऊण खग्ग-रयणं उप्पइओ गयण-मग्गेण।।९००।। पेच्छंतो पुर-पट्टण-गामागर-नगर-देस-पउराई। संपत्तो सुयणु! कुणाल-नयरीयाए खणद्धेण।।९०१।। नाऊण नियय-जणणी जह एसा सोय-गल्ल-कयहत्था। अत्ताणं पयडतो अवयरिओ तीए पय-मूले।।९०२।। विहिणा[कय]पणामो निय-जणणि-जणय सुयणु ! गुरुयणे कुमरो। जा साहइ वुत्तंतं समागओ ता तहिं दूओ।।९०३।। आहवमल्लो दूएणं पभणिओ 'निव ! अ (१३४अ) वज्झ-नयरीए। जयधम्म निवेण तुमं उलग्गाए समाणत्तो।।९०४ ।। सुणिऊण दूय-वयणं विजयकुमारेण पभणियं रे रे। अम्हाण वि किं सामी अत्थिं परो भरहवासम्मि।।९०५।। भणिओ निवेण कुमरो 'वच्छ ! सया मज्झ सो पहू राया। साहम्मिओ सुमित्तो सुपसाओ तह विसेसेण।।९०६।। ता गंतव्वं हि मए जयधम्म-नराहिवस्स पय-मूले।
चिर-दं(१३४ब)सण-सुह-जणओ चिट्ठ तुमंजणणि-पासम्मि' ॥९०७॥ १. गलहूय.
Jain Education International
For Private & Personal Use Only
www.jainelibrary.org
