________________
५५ इत्थंतरम्मि चारण-समणो नंदीसरम्मि वच्चंतो। धम्मत्थियं नरिंदं गयणत्थो नियइ--भव्वो।।६१४ ।। सो परमावहिनाणी भावं नाऊण तस्स नरवइणो। चिंतइ जिणिंद-धम्मोवएस-दाणं पि मह तित्थं ।।६१५।। (८८अ)जिण-भवण-बिंब-पूया दाण-दया-भावतित्थ-'जत्ताणं। धम्मोवएस-दाणं अहियं भणियं जिणिदेहिं ।।६१६।। . एगं पि जो पबोहइ पावासत्तं जिणिंद-धम्मम्मि। सव्व-जीवाण दीण्णं अभय-महादाणमिह तेण।।६१७।। धम्मोवएस-दाणं जिणेहिं भणियं इमं महा-दाणं। सम्मत्त-दायगाणं पडिउवयारो जए नत्थि।।६१८।। सम्मत्त-महादाणं जीवे जो देइ धम्म-बुद्धीए। तन्नत्थि जए जं तेणं न य विढत्तं सुहं 'पुण्णं।।६१९ ।। तियसिंद-नमिय-चलणा वि जिणवरा जं(८८ब) ति जोयण-सहस्सं । जीवस्स बोहणत्थं एगस्स वि पाव-दुहियस्स।।६२०।। पडिबोहिओ य जीवो धम्मं आयरइ वज्जए पावं।
जम्मे जम्मे सुहिओ हबेइ सासय-सुहं लहइ ।।६२१ ।। इह भव्वो एस सपरियणो वि राया विणट्ठ-मिच्छत्तो। ता पडिबोहेयव्वो सुदरिसणा तह विसेसेण ।।६२२।। इय चिंतिऊण सुइरं चारण-समणो जणेण थुव्वंतो। धम्मस्स साहणत्थं अवयरिओ राय-परिसाए।।६२३ ।। सव्वेहिं थुणिज्जतो सुद्ध-पएसे सुहेण उवविठ्ठो। मुणिय-नी(८९अ)सेस-जय-जीव-भाव-परमावहि-पहाणो।।६२४ ।। सो उसहदत्त-सुंदरि-सुदरिसणा-पमुह-राय-परिसाए। नमिऊण पुणो विनएण पुच्छिओ राय-धूयाए।।६२५।। 'भयवं सुधम्म-बंधव! निव्वाण-सुहाण कारण! मुणिंद! ।
धन्नाहं जं दिळं पाव-हरं तुम्ह पय-कमलं।।६२६।। १. जं ताण. २. पण्णं. ३. जमे जमे.
Jain Education International
For Private & Personal Use Only
www.jainelibrary.org
