________________
सिरिइंदहंसगणिविरइयं तेणं रजिजह णो रज्जे केणावि जाणमाणेण । इअ सुणिऊणं राया मुणिवयणाओ विरइ ॥९॥ पुन विरत्तचित्तो विसेसओ जिणुवएससवणाओ । रज्जं तिणं व चइऊणं पडिवज्जेइ जो दिक्खं ॥९७।। यत :'अल्लो सुक्को अ दो छूढा गोलआ मट्टिआमया । दो वि आवडिआ कुड्ढे जो अल्लो सोऽत्थ लग्गइ ।।९८॥ एवं लग्गति दम्मेहा जे नरा कामलालसा । विरत्ता उ न लग्गति जहा सुक्के अ गोलए ॥९९।। जो पढइ बारसंग "पसंगरहिओ हिओ अ जीवाणं । ठाणं सगवीससमणगुणाण गुत्तो अ तवतत्तो ॥१०॥ रयणत्तयआराहणनिउणो 'नयणद्विदोसचुअवित्ती। "दुग्गोवसग्मसहणो वम्महमहणो महेसी जो ॥१०१।। खंती दंती संती कती कित्ती जणुत्तरा लोगे। सत्ती गुत्ती मुत्ती दित्ती तित्ती तहा जस्स ॥१०२।। परिधरइ चरणवम्म सम्मईसणमर्सि च कुणइ करे । घणधाइकम्मसत्तू जो जिणइ "सुझाणहयचडिओ ॥१०३।। पावेइ केवलसिरिं रिसिराओ जयसिरिं व गयदोसो । भुवणंभरजसकोसो नमंततणुमंतकयतोसी ॥१०॥ करयलगयमामलगं व सव्वलोगस्सरूवमज्झक्खं । जस्स हवेइ विमलनाणभाणुउदएण केवलिणो ॥१०॥ मुणइ मुणिंदो भयवं जीवाणं पुग्गलाण कम्माणं । गइमागई च जम्मं विगमं च थिरत्तणं. जुगवं ॥१०६।। दुंदुहिझुणी सुणिज्जइ गयणे सीसम्मि कुसुमवुट्ठी अ । जस्स सुरेण कया पुण 'कणगसरोअं रयावेइ ॥१०७॥ हेमपउमे निसीअइ नाणी जणसंकुलाइ परिसाए । भासइ धम्म सम्म अमिअरससमाणभासाए ॥१०॥ निअभवसंसयहरणा हरिसेणं जस्स नामयं ठविअं । एस भुवणाभाणुजिणु त्ति तत्थ ''आइंतलोएण ॥१०९।।
१. आर्द्रः ।। २. क्षिप्तौ ।। ३. दुर्मेधसः ।। ४. प्रसङ्गरहितः । प्रसङ्गः-आसक्तिः ।। ५. नयनं द्विसंख्यासूचकम् , ऋद्धिश्च चतुःसंख्यासूचिका, अङ्कानां वामतो गतिरिति न्यायेनात्र नयनऋद्विशब्देन द्विचत्वारिंशत् संख्या बोध्या। भिक्षाचर्यायाः द्वाचत्वारिंशद् दोषाः प्रसिद्धाः ॥ ६. दुर्गापसर्गसहनः मन्मथमथनः ॥ ७. सुध्यानहयरूढः ॥ ८. अध्यक्षम् ॥ ९. कनकसरोजम् सुवर्णपद्मासनमित्यर्थः ॥ १०. आयता-आगच्छता लोकेन नाम स्थापितमित्यन्वयः ।।
Jain Education International
For Private & Personal Use Only
www.jainelibrary.org
