________________
सिरिइंदहंसगणिविरइयं
जं बुद्धिलेण कहि लक्खद्धं तन्निमित्तमेस अहो! । हारो अ पेसिओ चत्तालीससहस्समुल्लमिओ ||१८५८।। इच्चाइयसंबंधा जस्स चमकारकारगा लोगे । तत्थ धणपवरसिट्ठी भजा धणसंचया नाम ॥१८५९॥ रयणवई तप्पुत्ती परिणीआ बंभदत्तकुमरेणं । कमरो कमेण पत्तो भममाणो नयररायगिहं ॥१८६०॥ सो पविसंतो दोहिं कन्नाहिं धवलगेहगठिआहिं । दिट्ठो भणिअं जुत्तं मुत्तुं भत्तं जणं किं ते ॥१८६२।। भणइ कुमरो किमेवं कहह तओ ठाविऊण कन्नाहिं । भोआविओ अ भणिओ सामि ! तुम सुणसु संबंधं ॥१८६२।। वेअडो नाम गिरी दक्खिणसेणीविभूसणं नयरं । सिवमंदिराभिहाणं जलणसिहो नाम तत्थ निवो ॥१८६३।। विज्जुसिहा तकता तआओ अ दोवि किर अम्हे । अम्हाण नट्टमेत्तो जिट्ठो भाया मुणेअठवो ॥१८६४॥ अन्नय अट्टावयगिरिजत्ताए गच्छए सुरसमूहो। तेण समं अम्ह पिआ वि गओ तित्थम्मि अम्ह जुओ ॥१८६५।। अग्गिसिहमित्तजुत्तेण तेण जत्ता कया पमोएण । पूइअ जिणे उ पुप्फाईहिं सहलीकयो जम्मो ॥१८६६।। तम्हा ठाणाओ सो निग्गच्छंतो नमेइ दट्टणं ! धारणमुणीण जुअलं असोगवरपायवस्स अहे ।।१.८६७।। धम्मोवएसवयणं सुच्चा निश्चायरो हवाइ धम्मे । बालाण घरो होही को ? भय ! पुच्छए मित्तो ॥१८६८॥ समणेणुत्तं भत्ता एआसिं भाइघायगो होही । इअ राया सुणिऊणं विसायवंती हवेइ भिसं ॥१८६९।। एअम्मि अ पत्थावे अम्हेहिं साविअं नरिंदस्स । ताय ! सुअं मुणिमुहओ अम्हेहिं जं भवसरूवं ॥१८७०॥ अम्हं वीवाहेणं कन्जं ता नेव अत्थि नरनाह ! । पिउभाउअसुस्मृसणपराउ अम्हे हघिस्सामो ॥१८७१।।
Jain Education International
For Private & Personal Use Only
www.jainelibrary.org
