________________
सिरिइंदहंसगणिविरइयं
पच्छायावी जाओ निवंगजायस्स अइसरण तया । पुरओ गच्छंतो सो पिच्छेइ अ सत्तभूमिहरं ॥१७९९।। सो सत्तमभूमीए जाव गओ ताव कन्नगा एगा। दिट्ठा य कुमारेणं "विसमाउहवल्लहा रूवा ॥१८००॥ सा भणिआ कुमरेणं जंपइ गरुओ अ मज्झ संबंधो । अप्पसरूवं तुमए पगासिअव्वं महाराय ! ॥१८०१॥ तम्महुरवयणलीलारंजिअचित्तो भणेइ ससरूवं । कुमरो तओ अ कन्ना हरिसिअनिअमाणसा जाया ॥१८०२।। पडिऊणं पापसु खरंतअंसुजलअल्लमुहदेसा । एसा भासइ अहयं तुह माउलपुप्फचूलसुआ ॥१८०३।। तुम्हाणमेव दिन्ना अहमुव्वाहदिअहं पडिच्छंती । दुट्ठखयरेण इत्थाऽऽणीआ निअगेहउजाणा ॥१८०४।। जाव अहं दुहतत्ता चिट्ठामि तुम समागओ ताव । जाया य जीविआसा मह तह भग्गं फुडीभूअं ॥१८० ॥ सो मह कुत्थऽत्थि रिऊ जह तस्स बलं अहं विलोएमि । सा वयइ सामिदिना विजा तेणं पढिअसिद्धा ॥१८०६॥ विजा सा सरिआ आएसं काही रिउ निवारेही । पुच्छिज्जंती मह चिट्ठिअं कहिस्सइ अ तुहं सव्वं ॥१८०७।। विजाजावो अ मए कओ तओ जाव हं भगामि पहो ! । ता नट्टमेत्तरखेडो जेणाऽऽणीआ अहं इत्थ ॥१८०८।। सो मे पुण्णबलेणं तेअं सहिउ न सक्कए तेण । सिअरत्तपडागाजुअआवासम्मि ठविआ अहयं ॥१८०९।। विजाहरेण तेणं जाणावेउं च मज्झ संबंध । निअभइणीणं किर देसिआ य जाणावणी विजा ॥१८१०।। सो वंसालीए पुण सयं पविट्ठो सुसाहिअस विज्जो । तन्निग्गओ अ संतो काही पाणिग्गहं मज्झ ॥१८११।। अन्ज दिणे विजाए सिद्धी होहि त्ति तस्स खयरस्स । तं सोऊणं कुमरो तम्मरणकहं कहेइ तओ ॥१८१२।। पमुइअमणा भणेइ अ कुमरी भव्वं कयं निवकुमार! । गंधव्वविवाहेणं परिणीआ सा निवसुएणं ॥१८१३।।
१. विषमायुधवल्लभा-रतिः रूपात् ॥
Jain Education International
For Private & Personal Use Only
www.jainelibrary.org
