________________
सिरिइंदहंसगणिविरइयं
पविसेइ जीइ वयणम्मि सा परमजोगिणीमिव तओ जा वत्थ-ऽच्छाअण-भोअणयाइसुहं लहइ पिउगेहे ॥११९०।। माइ-पिउपसाएणं न को वि कारेइ किं पि कम्मं च । देवगिहम्मि गया जा पिउवत्ताप उवविसेइ ॥११९१।। सडीजणाण पासे गंतूणं देववंदणं चइउं । भासइ हले! मए सुअमिमं इमं विजए अन्ज ! ॥११९२।। गिहवित्तं तुज्न भणइ सा नेवं तुह नरेण केणावि । एअमसंगयमुत्तं तओ भणइ रोहिणी एसा ॥११९३।। सञ्चा तुमं च महिला ममावि अवलवसि सा पुणो वयइ । सच्चा महिला य तुमं अलीअरूवा अहं च कहं? ॥११९४।। इच्चाइ बहुविहं किर 'विकत्थयंतीइ तीइ सह राडी । लग्गा भग्गा य गया सकजवग्गा सगेहे सा ॥११९२।। जा पुण विगहाजोगिणीकयसाहन्जा करेइ रायकहं । अवराए सह सा 'निव्वेअवई मंदिरम्मि गया ॥११९६।। अन्नाइ समं इत्थी-पुरिसाण कहं च मंडए मुहरी । सा सस्सूजणभीया समुट्ठिआऽ निट्ठविअवत्ता ॥११९७।। सममेगाए नारीए जा भत्तकहवित्थरं कुणइ । गच्छंतीए तीए देसकहं 'तणइ इअरीए ॥११९८॥ जा गेहनिग्गया जामजुम्मगे वि न निवट्टए एवं । पइदिअहं कुव्वंती निग्गमए निष्फलं जम्मं ॥११९९।। अन्नम्मि दिणम्मि सकरजोअणपुव्वं च सावयजणेण । केणावि य जा उत्ता महाणुभावे! खणपमाणं ॥१२००।। देवगिहे चिट्ठिजइ तं सुहभावेण एगचित्तेण ।। ठाउं उचिउं किं वत्ताओ किज्जति तुम्हेहिं ? ॥१२०१।। दुट्ठा सा विअरइ साविउत्तरं ताव बंधव ! किमम्हे । कुणिमो? को वि न कस्स वि मिलेइ अन्नत्थ एस जणो ॥१२०२॥ कस्स वि गिहे न गच्छइ एअं पिअमेलयं पुणो तित्थं । तेणं खणं च एग सुह-दुहपुच्छा 'मिहो हवइ ।।१२०३॥
१. विकत्थयन्त्या ॥ २. स्वकार्यव्यप्रा स्वगेहे ॥ ३. निर्वेदवती ॥ ४. अनिष्ठापितवार्ता ॥ ५. तनोति-विस्तारयति ॥ ६. यामयुग्मकेऽपि-प्रहरदयेऽपि ॥ ७. स्वकरयोजनपूर्वम् ॥ ८. श्राविका उत्तरं ॥ ९. मिथः ॥
Jain Education International
For Private & Personal Use Only
www.jainelibrary.org
