________________
मणिचूडमुणिवरेण पुणरवि जिणभणियसमयवयहि । ' अणुसासियाणि कोमलगिराए जायाणि सुत्थाणि ॥८६॥ जावेवं चारणमुणिपुरओ अच्छंति ताव पेच्छति । गयणयलाओ विम्हयविप्फारियनयणपत्ताणि ||८७॥ सज्जो अमंदसुंदेरधाममेगं विमाणमवइन्न । नंदीसरजिणमंदिरदसणकयकोउगेण व ॥८ ॥ पणवन्नरयणघडियं सिरविलसिरसेयधयवडसमूहं । उवरिभमंतबलायं पणवन्न जलयखंडं व ॥८९।। तो मउडभासियसिरो वियसियमंदारदामसुइसिरओ । कुंडलमंडियगंडो हारविरायंतवच्छयलो ॥९॥ केजर कडय-वररयणमुद्दियाभरणभूसियसरीरो। नियसियदुगुल्लवसणो विम्हयभवणं नियताण ॥११॥ निप्पंकभित्तिसंकंतपयडपडिबिंबबहुविहसरीरो।। अणुराएणमणेगो व्व मयणरेहाए दीसंतो! ॥९२॥ अवयरिऊण विमाणाठ सुरवरो सरसपंकयदलच्छो । पेच्छताण सव्वेसिमेस मणिचूडमुणिपुरभो ॥१३॥ भाणंदवियसियमुहो पढम पडिऊण मयणरेहाए । पयपंकयम्मि पच्छा पणओ चारणमुणिवरस्स ॥१४॥ लद्धासीसो सोयामणि व्व दिर्पतभासुरसरीसे। उवविठो तप्पुरओ पुठो विज्जाहरेण तओ ॥९५।। नीईभी सरिआउ व समुञ्चगोत्ताणमुन्नयगुणाण । अमराण महिहराण व धुवं महाभाग ! पभवंति ॥१६॥ मोत्तणं मणिचूड चरित्तचूडामणि मुणिवरिदं ता कि तुच्छगुणाए एयाए पएसु पणिवइमो? ॥९॥ तो जपियममरेणं सुणसु महाभाग ! कारणमिहत्थे । मोत्तणं मुणिनाहं जं पणओ पुत्वमेईए ॥९८॥ आसि सुदंसणनयरे नामेणं मणिरहो महाराया । जुवराया जुगबाहू सहोयरो तस्स गुणभवणं ॥१९॥ केणावि कारणेणं पहओ सो तेण तिक्खखग्गेणं । तो कंठग्गयपाणो इमीए जिणवयणसलिलेणं ॥१०॥ वेराणुभावतविओ निव्वविओ थिरमणाए सव्वगं । पंचनमोक्कारपरो खमावियासेसजीवगणो ॥१०१॥ निम्मलधयपरिणामो उववन्नो पंचमम्मि कप्पम्मि । दससागरोवमाऊ सुरिंदसामाणिो देवो ॥१०२॥ सो य अहं सुकयन्नू सरमाणो धम्म मणियमुक्यार । तक्खणमेवाऽऽयाओ गुरु त्ति का नया पढमं ॥१०॥
Jain Education International
For Private & Personal Use Only
www.jainelibrary.org
