________________
यदर्चा दरीदृश्यते श्वेतवर्णा विभो! तावकीनाऽपि हेमाङ्गकान्ते! । मृगाङ्कोज्ज्वलानां महाचामराणां प्रभामण्डलं केवलं तत्र हेतुः॥१५॥
(भुजङ्गप्रयातम् ) तव जिनेन्द्र ! मृगाधिपविष्टरं मणिमयं त्रिदशैर्विहितं यदा । इह तदा जलधिः किल भक्तितो निजवसून्यपि दातुमुपाययो॥१६॥
(द्रुतविलम्बितम् ।) दिवसोद्गमे च तव पृष्ठिगतं रविमण्डलं जिनपते! विमलम् । अधुनाऽपि मुग्धमनुजेष्वनिशं द्युतिमण्डलभ्रममिहातनुते ॥ १७ ॥
(प्रमिताक्षरा) वलानकस्थैरधुनाऽपि मानवैः समुद्रकल्लोलसमुद्भवं रवम् । निशम्य शङ्का क्रियते जगद्विभो! परिस्फुरदुन्दुभिनादसम्भवा॥१८॥
(वंशस्थम्) जिनेन्द्र ! विश्वत्रयवत्सलत्वात् किल त्वया दूरितदण्डमीश!। त्रिमण्डपस्य च्छलतः पवित्रं तवाऽऽतपत्रत्रितयं चकास्ति ॥ १९ ॥
(उपेन्द्रवज्रा) १ भुजङ्गप्रयातं भवेद्यैश्चतुर्भिः
- - - - - वर्ण १२ । २ द्रुवविलम्बितमाह नभौ भरौ
------------ वर्ण १२ । ३ प्रमिताक्षरा सजससैर्गदिता
--------- -- वर्ण १२ । ४ वदन्ति वंशस्थमिदं जतौ जरौ
------- ---- वर्ण १२ । ५ उपेन्द्रवज्रा जतजा गयुग्मम्
----------- वर्ण ११
Jain Education International
For Private & Personal Use Only
www.jainelibrary.org
