________________
श्रीमुनिसुंदरसूरिविरचित श्रीसंतिकरस्तव
संतिकरं संतिजिणं, जगसरणं जयसिरोह दायारं । समरामि भत्तपालग - निव्वाणीगरुडकयसेवं ॥१॥ ॐ नमो विप्पोसहि पत्ताणं संतिसामिपायाणं । स्वाहामंतेणं, सवासिवदुरिअहरणाणं ॥२॥ ॐ संतिनमुक्कारो, खेलोसहिमाइलद्धिपत्ताणं सौ ह्रीं नमो सव्वो-सहिपत्ताणं च देइ सिरिं ॥३॥ वाणीतिहुअणसामिणि- सिरिदेवीजक्खरायगणिपिडगा । गहदिसिपालसुरिंदा, सया वि रकखंतु जिणभत्ते ||४|| रक्खंतु मम रोहिणि- पन्नत्ती वजसिंखला य सया । वज्रं कुसि चक्केसरि, नरदत्ता कालिमहाकाली ॥५॥ गोरी तह गंधारी, महजाला माणवी अ वइरुड्डा । अच्छुत्ता माणसिआ महामाणसिआउ देवीओ ||६|| जक्खा गोमुह महजक्ख, तिमुह जक्खेस तुंबरु कुसुमो । मायंगविजयअजिआ, बंभो मणुओ सुरकुमारो ॥७॥ छम्मुह पयाल किन्नर, गरुडो गंधव्व तह य जक्खिदो । कूबर वरुणो भिउडी, गोमेहो पासमायंगा ॥८॥ देवीओ चक्केसरि, अजिआ दुरिआरि कालि महाकाली । अच्चुआ संता जाला, सुतारयाऽसोय सिरिवच्छा ॥९॥ चंडा विजयंकुसिपन्नइति नित्र्वाणि अच्चुआ धरणी । वैरुत्तगंधारि, अंब पउमावई सिद्धा ॥ १०॥ इअ तित्थरक्खणरया, अन्नेऽवि सुरा सुरी य चउहा वि । वंतरजोइणिपमुद्दा, कुणंतु रक्खं सया अम्हं ॥११॥
