________________
(२३६)
जैनस्तोत्रसन्दोहे [श्रीजिनप्रमइगवीससयक्खरसूरिमंतसवणाउ झत्ति संजाया। आमोसहि-विप्पोसहिपमुहा तुह लद्विरिंछोली ॥ ९ ॥ तुह अंगं फरिसिय जं फासइ पवणो जलासयाण जलं । तं पीऊण मणुस्सा उविंति छम्मासमारुग्गं ॥ १० ॥ तंबंपि होइ हेमं निट्टीवणकाइआविलितं ते । तिहुयणअच्छेरकर जयइ अहो जोगमाहप्पं ॥ ११ ॥ नूणं विसिट्टफलयं थावरतित्थाउ जंगमं तिथं । इअ अदावयमुज्झिय ते रिसिणो तं चिअ लीणा ॥१२॥ कोडिन्नदिन्न-सेवालि-तावसा तिजुअ पनरस सया य । अप्पा य तप्पिआ पहु ! इग पायसपडिगहेण तए ॥१३॥ अक्खीणमहाणसलद्धिणो अ तुह नामगहणमित्तेण । अजवि लहंति भविआ मणचुंबिअरिद्धिसिद्धीओ ॥ १४ ॥ पहु ! अन्ने दायारा संतं चिअ वत्थु विअरिउं पइणो। तं पुण सदिक्खिआणं विअरसि केवलमसंतंपि ॥१५॥ परिसाइ तिसट्रिअहिअतिसयपासंडिवयणविण्णासा । तुह वयणनीरपूरे इक्कमिवि तणमिव तरंति ॥१६॥ इअरछउमत्थसुअमयपसमत्थं चेव वत्थुवित्तीए। आणंदोहिवइअरे तुह खलिअं सुव्वए नूणं ॥१७॥ अम्हारिसावि विगुणा जं गणहरसद्दमुन्वहंति जए । सो तुम्ह कहिअगणहरमंतनिवेसस्स महिमलयो ॥१८॥ तीसं वरिसंते पहु ! केवललच्छि सयंवरमुर्विति । तमुविक्खित्था तं वीरभत्तिभंगप्पसंगमया ॥१९॥
