________________
www
जैनस्तोत्रसन्दोहे [श्रीजिनवल्लभहयदुरियदाहमाहप्पपसरनिव्ववियभवियसंदोहं । परमामयरसवरिसं वसुपहु तुह दंसणं जमिह ॥ ४ ॥ हे पास ! पसिय सियदंतपंतिकंतिप्पयासियदियंत ! । भयवंत ! भयंत ! पसंत ! कंत ! दंतिदिय ! जिणिंद ! ॥५॥ फारुप्फुल्लं तुह उवरि फणिफणासत्तयं फुरंतं मे । कयसत्ततत्तसंखा वक्खाणखणं व पडिहाइ ॥ ६ ॥ उवरि परिफुरियफणिवइचूडामणिकिरणरइयसुरचावं । अइभीसणभवदवतवियभवियवणपसमणसमत्थं ॥ ७ ॥ कयकुनयकमलमलणं वयगजलं जणियभुवणयलहरिसं । विकिरंतं नवजलहरसरिसं तं पास ! पणमामि ॥ ८ ॥ जे खरजरजजरिया खयखीणा सूलसल्लिया मणुया । दढकुटुनटुनकुटुनहमुहा चक्खुपरिहीणा ॥ ९ ॥ तेवि तुह सरणसुंदररसायणं काउमाउरसुविज!। सुरसुंदरनयणाणंद ! देहसोहा लहु लहन्ति ॥ १० ॥ गुरुकोवफारफुक्कारभासुरो फणिवई वि फुल्लफणो । चित्तमि तुमं जेसिं तेसिं कीडु ब्व होइ फुडं ॥ ११ ॥ कयविकयरूवभीसणपभूयभूएहिं जेऽभिभूअप्पा । गद्दब्भसहसंदब्भनिन्भरुब्भरियभुवणयला ॥ १२ ॥ तुह नामभद्दमुद्दामुद्दियदेहा जिणिंद ! ते वि दुअं । संपत्तनियसरूवा हवंति बहुलोयकयपूआ ॥ १३ ॥ जे वि गयजक्खरक्खसखुद्दासुरजक्खखित्तवालाई । ते वि तुह गुत्तकित्तणमित्तेणं झत्ति नासंति ॥ १४ ॥
