________________
[२०९३
४७६
नेमिनाहचरिउ
[२०९३]
अह पहाविय तस्सु गहणत्थु कोऊहल-हरिय-मण वाल जाव ता पुरिस-रूविण । अइ-करुणउं पलविर वि नीय कह-वि तेणावि हरिउण ॥ तीए विओइ अरन्न समु भुवणं पि-हु मन्तु । नर-विज्जाहर-सुर-तरुणि- मण-वणराइ वसंतु ॥
[२०९४]
कयलि-हरयह नीहरेऊण तक्खणिण वि सउरि-कुल- गयण-चंदु अच्चंत-दुक्खिउ । तं तरुणी-रयणु निरु नियइ धरहं इयरिहिं अ-लक्खिउ ॥ कम-जोगेण य एगयरि पत्तउ पुरि जा ताव । वेय पढंत सुणइ दिय जि जलहर-गहिरालाव ॥
[२०९५]
तयणु पुच्छिउ तेण दिउ एगु किं एत्थ दीसहिं दिय जि निच्चु वेय-उग्गार-पच्चल । अह विप्पिण भणिउ - इह अस्थि कलहं कोसल्लि निच्चल ॥ धुय सुरदेवह दिय-वरह वेय-कलाहं निहाण । खत्तिणि-पिय-तणु-संभविय सोमस्सिरि-अभिहाण ॥
[२०९६]
पत्त-जोव्वण भणइ सा वाल - परिणिस्सइ सु ज्जि पर जो जिणेइ मई वेय-विज्जहं । इय निसुणिवि विप्प-जणु लटु तमु जि परिणयण-कज्जहं ॥ एम्व निरंतरु इह नयरि वेयब्भासु करेइ । वंमदत्त-विप्पह पुरउ पढिय परिक्ख वि देइ ॥
____Jain Education International 2010_05
For Private & Personal Use Only
www.jainelibrary.org
