________________
७३२
[३३०२
नेमिनाहचरिउ [३३०२]
अवि य कंचण-रयण-निम्मवियनिव्वाणिय-सिविय कय तियस-राय-वयणेण वेगिण । वेसमणिण तयणु जिण- अंगु तीए परिखिविउ इंदिण ॥ अह वाहाविल-नयण-दल निय-निय-पह-वयणेण । अभिओगिय सुर चिह कुणहिं देवदारु-कढेण ॥
[३३०३]
अहह सामिय परम-कारुणिय जर-मरण-दुहोह-करि राय-दोस-विसहर-भयावणि । अइ-दुद्धर-मोह-वल- पंचवयणि संसार-काणणि ॥ नाह-विहीणउ गय-सरणु अइ-करुणउं कंदतु । इहु उज्झेविणु भविय-जणु कहिं तुहुँ सामि पहुत्तु ॥
[३३०४]
एम्ब स-करुणु तियस-नाहिं पलवंतिहिं कह-कह-वि उक्खिवेउ सिय नेमिनाहह । अक्कंदिरि तिहुयणि वि भरिय-विवरि तह सिहरि-रायह ॥ देवदारु-गोसीस-सिरिखंड- अगुरु-रइयाए । सामि-सरीरु ठवंति सुर- नायग मज्झि चियाए ॥
अग्गि-कुमर वि तियस निय-मुहह वज्जग्गि तहिं क्खिवहिं अह पहीण-सिय-मंस-सोणिय । पहु-अंगोवंग हुय तयणु गंध-उदएण झामिय ॥ अह तियसासुर-पहु पहुहु हणुय-पमुह-अट्ठीणि । जहरिहु गेण्हहिं अ-सिव-पह- कमण-पाणि-लट्ठीणि ॥ ३३०३. ६. क. गयसणु.
३३०४. ५. क. ख. नह.
Jain Education International 2010_05
For Private & Personal Use Only
www.jainelibrary.org
