________________
नेमिनाहचरिउ [३१२५]
अह पयंपइ कण्हु मा अंव तं कुणसु विसाउ कु-वि उज्जमेसु हउं कह-वि तह जह । तुह हविहइ तणउ अह भणइ देवि - निय-वाय अ-वितह ॥ कुणसु लहुं चिय कण्ह अह उववासियउ हवेवि । उस्सग्गिण ठिउ कण्हु मणि तियस-विसेसु धरेवि ॥
तयणु तियसिण भणिउ - नणु कण्ह तुह जणणिहि अंगरुहु नियय-महिम-निज्जिणिय-सुरवइ । लहु हविहइ किंतु वउ नूण अ-कय-वीवाहु गहिहइ ॥ अह जायउ एवं पि इय सिरि-देवइहि पउत्तु । अह वरु वियरिवि सो तियसु नियय-हाणि पहुत्तु ॥
[३१२७]
तयणु नंदणु जाउ देवइहि सु-स्सिविणुवसाइयउ दिण्णु णामु तसु गरुय-रिद्धिण । वसुदेविण मेलिउण स-घरि सयल जायव सु-लग्गिण ॥ सिरि-गयसुकुमालो त्ति अह कम-पाविय-तारुण्णु ।
सोमसम्म-वंभण-दुहिय-रयणु वरेइ स-उण्णु ॥ [३१२८] कण्हो उण वासासुं गंतुं अंतेउरस्स मज्झम्मि ।
अइगमइ वासराई जिय-संघायस्स रक्ख-कए । [३१२९] लोगम्मि पुणु पवाओ जाओ जह सुयइ वासुदेवो ति ॥
नीहरिए तम्मि वर्हि वासंते उढइ हरि त्ति ॥
[३१३०] अह कत्तिय-एक्कारसि-तिहीए सीहासणम्मि उवविसिउं ।
पत्तेयं पत्तेयं संभालइ निय-जणं कण्हो ॥ ३१२६. ७. पउत्थु. ३१२७. २. सुस्सिमिणु. क. जयसुकुमालो.
____Jain Education International 2010_05
For Private & Personal Use Only
www.jainelibrary.org
