________________
६८१
३०५६ ]
नेमिवुर्ततु [३०४६]
एहु सयलु वि मोह-ललियं ति मन्नंतउ अणवसरु मुणिरु तेसि पडिवोह-समयह । वियरंतउ इच्छियउं वरिस-दाणु सयलह वि लोयह ॥ ससहर-विमल-विवेय-गिरि- सिहरि सामि आरूढु ।
दाणु पयच्छइ वच्छरिण पुणु इहु जिण-पह-रूहु ॥ [३०४७] एगा हिरण्ण-कोडी अटेव अणूणगा सय-सहस्सा ।
सरोदय-माईयं दिज्जइ जा पायरासाओ ॥ [३०४८] तिन्नेव य कोडि-सया अट्ठासीइं च होंति कोडीओ।
असियं च सय-सहस्सा एवं संवच्छरे दिन्नं ॥ [३०४९] तत्तो दिक्खा-समयं आसण-कंपेण नाउ देविंदा ।
सव्वे वि पुरो पहुणो समागया सयल-रिद्धीए ॥ [३०५०] भवणवइ-वाणमंतर-जोइसियाणं असंख-कोडीओ।
देवाणं देवीण य तेहिं समं एंति तुट्ठाओ ॥ [३०५१] ता वारवई नयरिं आरम्भ सुरंगणा-सहस्सेहिं ।
पूरिज्जइ देवेहिं स-विमाणेहिं नहमसेसं ॥ [३०५२] वुढेि च गंध-जल-कुसुम-रयण-निवहेहिं जिणहरे काउं ।
पणमंति जिण-वरं ते थुणहिं य थोत्तेहिं पवरेहिं ॥ [३०५३] कण्ह-प्पमुहो य तहिं जायव-वग्गो मिलेइ सयलो वि ।
किमिमं ति विम्हिओ अह समुद्दविजयं स-सिवदेविं ॥ [३०५४] सव्वे वि तियस-पहुणो थुणंति पीऊस-वरिस-वयणेहिं ।
जह - तुब्भे च्चिय धन्ना हरिवंसो चेव सलहिज्जो ॥ [३०५५] जत्थुप्पन्नो एसो तइलोय-दिवायरो कुमारो वि ।
निज्जिय-भुवण-त्तय-कुसुमचाव-उवहणिय-माहप्पो ॥ [३०५६] वावीसम-तित्थयरो असेस-सुरराय-पणय-पय-पउमो ।
भारह-वासे भुवणयल-भूसणो जिण-वरो नेमी ॥
Jain Education International 2010_05
For Private & Personal Use Only
www.jainelibrary.org
