________________
नेमिनाहचरिउ
[ १९६०
[१९६०]
पइहिं तेहिं वि घरह नोहरिवि लहु गंतुज्जाण-वणि मास-खमणु आरभइ अवरु वि । एहु वइयरु जाणिउण उग्गसेण-निवु स-परिवारु वि ॥ निय-अवराहु खमाविउण लम्गिवि खवग-पएसु । भणइ भवणि मह पारण पत्तावसरु करेसु ।
_ [१९६१] __गेहि एगहं गिज्झ भिक्ख त्ति कय-उग्गाभिग्गहु सु खवणु निवइ-उवरोह-दोसिण । परिसुसिय-असेस-तणु- रुहिर-मंसु वियइज्ज-मासिण ।। पारणयह दिणि कह-वि गउ उग्गसेण-घरि जाव । निय-निय-कज्जाउल-मणिण जणिण न दिडु वि ताव ॥
[१९६२]
तयणु मिसिमिसिमाण-वयणिल्लु रोसारुण-नयण-दलु फुरुफुरंत-अहरुट-पल्लवु । नीहरिउण निव-घरह गयउ वहिहिं अवगणिय-सुह-लवु ।। उग्गसेण-वसुहाहिषु वि आयण्णिय-वुत्तंतु । वाढ-धवक्किय-मण-पसरु खवग-सविहि संपत्तु ॥
[१९६३]
भणइ - मुणिवर खमसु अवराहु एसो वि पमाय-पर- परियणस्सु मह पाव-पडियह । न य एरिसु दुविणउ पुणु वि करिसु हउं तुह सु-चरियह ।। अह सविसेस-फुरंत-गुरु- अमरिसु खवग-तवस्सि । जंपइ जइ मह तवह फलु किं-चि त पाव मरिस्सि ॥ १९६०.५. क. निव. १९६१. २. क. °भिग्गह. १९६३. ३. क. परिणयस्सु.
____Jain Education International 2010_05
For Private & Personal Use Only
www.jainelibrary.org
