________________
[२६१४
૧૮૮
नेमिनाहचरिउ
[२६१४] __नेमि-कुमरह सील-सम्भावु अवलोइवि रत्त-मण जउ-कुमार अक्कूर-पमुह वि । तसु सन्निहि गुण-गहण- एग-हियय न मुयंति खणमवि ॥ जे वह-गुण जे पंडिया जे मुणि-किरियासत्त । ते विन नेमि-हियय-कमलु खणमवि मुयहिं निरुत्त ॥
[२६१५]
अह निएविणु नेमि-कुमरस्सु सव्वंगिय-सुहय-गुण- रासि असम-संतोस-भरियउ । सयलेहिं वि जायवेहिं समुदविजय-नरनाहु सहियउ । पुहइ-पहाणहं नरवइहिं धूयउ सयलि वि देसि । अवलोयइ सव्वायरिण नेमि-कुमारह रेसि ॥
[२६१६]
नेमि-कुमरु वि विजिय-कंदप्पमहाप्पु न परिणयण कह-वि कुणइ भव-भाव-विमुहउ । चिटइ य निवेसिउण नाण-नयणु सिव-गइहि समुहउ ॥ पेच्छंतउ संसारियहं विविह विडंवण लोइ । भन्नंतु वि विसइय-सुहहं कह-वि न समुहीहोइ ॥
[२६१७]
एत्थ-अंतरि गयण-मग्गेण परिवायग-वेस-धरु दढहिमाणु नारउ पहुत्तउ । तहिं सच्चहामह सविहि तीए अ-कय-भत्तिउ कु-चित्तउ ॥ चिंतइ - अहह निलक्खणिय इह मह कुणइ न भत्ति । ता मेलिसु एयह अहिय- रूव-समिद्धि सवत्ति ॥ २६.१५.६. क. पुहई.
____Jain Education International 2010_05
For Private & Personal Use Only
www.jainelibrary.org
