________________
[२५०२
५६४
नेमिनाहचरिउ [२५०२]
इय सुणेविणु भणइ हरि - पाव पुव्वं पि-हु बंधु मह निहय आसि जे तई अयाणुय । कय रक्ख अप्पह वहुय कुगइ-मग्ग-पयडणिण भाणु य ॥ पाव-तरुहं तहं सयलहं वि फलई स-हस्थिहि लेसु । कि न मह अक्खिय एह कह इय पुणु म-न जंपेसु ॥
[२५०३]
इय भणंतु वि कण्हु उप्पइवि पडिऊण य सामरिमु कंस-मंचि तमु मउडु पाडिवि । भय-तरलिय-नयण-दलु दलिय-देह-भूसणु निहोडिवि ॥ तह कहमवि मुट्ठिण हणिउ उत्तिम अंगि हयासु । हुयउ कयंतह अतिहि जिह सो गय-जीविय-आसु ॥
[२५०४]
एत्थ-अंतरि हलहरेणावि गुरु-कोव-वसुल्लसिय- सहस-गुणिय-वीरिय-विसेसिण । सो मुट्ठिग-मल्लु विणिवद्ध समगु निय-पष्टि-देसिण ॥ गल-कंदलु सु-नियंतिउण सुदढ-जोत्त-चट्टेण । तह भीडिउ कडियडिण सह जह समगु मरट्टेण ॥
[२५०५] दलिय-विग्गहु खुडिय-नयणिल्लु परिगलिय-रुहिर-प्पवहु रुद्ध-सासु संवरिय-चेयणु । सु कयंतह अतिहि हुउ तयणु दह्र पडिवक्ख-भेयणु ॥ हरि वलभदु वि दुल्ललिउ करयल-कय-करवाल । कंसह सुहड समुच्छरिय नं अप्पह खय-काल । २५०२. ५. कुमइ.
२५०५. ३. क. मुणिय; ४. क. कडिकडिण.
____Jain Education International 2010_05
For Private & Personal Use Only
www.jainelibrary.org
