________________
५५०
[२४४४
नेमिनाहचरिउ [२४४४]
तयणु पविसिवि सलिल-मज्झम्मि उववेत्तु निय-करयलिण जिन्न-रज्जु-खंड व विहंडिवि । कड्ढेवि सरियह वहिहिं महिहि एग-देसम्मि छड्डिवि ॥ गोव-डिंभ-सहसिण सहिउ जल-कीलहं कीलेवि । गोउलि पत्तउ हरि जणह पहु निविग्घु करेवि ॥
[२४४५]
ते-वि रासह-मेस दुद्धरिस जे आसि इयरहं जण दिट्ठ-मेत्त-गुरु-खेय-कारण । विदारय-वण-गहणि पत्त संत पेक्खिय-जणद्दण ॥ गलिय-मडप्फर हरि-करिण पावहिं जीविय-अंतु । कण्हु वि तहिं मुसलिण कलिउ खणु चिट्ठइ कीलंतु ॥
इओ य -
[२४४६]
एहु वइयरु मुणिवि' कंसेण पसरंत-भयाउरिण जीय-रक्ख-अक्खणिय-चित्तिण । आइट्ट निय-धणु-रयण- पूयणत्थु अंगिण पवित्तिण ॥ वत्थाहरण-विलेवणिहि कय-निरुवम-सम्माण । नियय-भइणि वर-देह-पह सच्चहाम-अभिहाण ॥
[२४४७]
पुरि कराविय पुणु निउत्तेहिं उग्घोसण जह - जु कु-वि सुहड-वंस-जस-कलस-सरिसउ । आरोवइ धणु-रयणु मज्झ भइणि परिणिवि सु अइसउ ॥ पावइ मज्झि नरामरहं पयडिय-कित्ति-कलावु । लहइ य रज्जह अधु अह इहु निमुणिवि आलावु ॥ २४४६. १. मुणवि.
____Jain Education International 2010_05
For Private & Personal Use Only
www.jainelibrary.org
