________________
२९०
[१९५३
नेमिनाहचरिउ [११५३]
चलिय-आसणु तयणु धरणिंदु संपत्तु सिद्धाययणि भणइ पुरउ संघह नमेविणु । भयवंतिण अणुगहिउ हर्ष किमित्थ संघिण सरेविणु ॥ अह अवराजिय-कुमर-सिरि-अंसुमालि-पमुहेण । धरणिंदह सम्मुहु भणिउ भयवंतिण संघेण ॥
[११५४]
कामरूविण खयर-अहमेण अम्हाण समायरिउ एगु एहु अवराहु मरिसिवि । उवसामसु असिव-भरु खयर-उवरि कारुण्णु दंसिवि ॥ पाइण दु-वियायउं हवइ सव्वत्थ-वि न दु-माय । हवहिं सहाविण पणय-पिय अहवुत्तिम सुर-राय ।।
[११५५]
इय सुणेविण संघ-वयणाई उवसामिवि असिव-भरु नमिवि अमियगइ-साहु-चलणिहि । अवराजिय-कुमरह वि गुण थुणेवि साणंद-वयणिहिं ।। संघु वि सयलु थुणेवि निय- ठाणि गयउ धरणिंदु । ता सयलु वि नइयर-निवहु विम्हिय-मुह-अरविंदु ।।
[११५६]
भणइ पणमिवि अमियगइ-साहुपय-पंकय भत्ति-भरु जह - मुणिंद साहसु पसोउण । धरणिंदणि किह इयरु खयर-वग्गु सयलु वि विमुत्तुण ॥ थुणिउ स-तोसिण गुण-निवहु अवराजिय-कुमरस्सु । तयणु मुणिंदिण भणिय- नणु गुरु-वइयरु एयस्सु ॥ ११५३. ३. क. पुरभो; ४ क. सयवंतिण,
११५६. ५. क. मुत्तणु.
____Jain Education International 2010_05
For Private & Personal Use Only
www.jainelibrary.org
