Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 941

TAGR955555555555555
(१३) रायपसेणिय [(२) उवंगसुत्त]
[३०]
$
$$$$$历历FCL
USICS$听听听听听听听听听听听听听听乐乐乐听听听听听听听听听 $
तुमं पएसी ! तं सूरियकंतं देविं व्हायं कयबलिकम्मं कयकोउयमंगलपायच्छित्तं सव्वालंकारविभूसियं केणई पुरिसेणं ण्हाएणं जाव सव्वालंकारविभूसिएणं सद्धिं इद्वे सद्दफरिसरसरूवगंधे पंचविहेमाणुस्सते कामभोगेपच्चणुभवमाणिंपासिज्जसितस्सणं तुमंपएसी! पुरिसस्स कंडंडं निव्वत्तेज्जासि?, अहण्णं भंते ! तं पुरिसंहत्थच्छिण्णगं वापायच्छिन्नगं वासूलाइयगंवा सूलभिन्नगंवाएगाहच्वं कूडाहच्चं जीवियाओ ववरोवएज्जा, अहणं पएसी ! से पुरिसे तुम एवं व०-मा ताव मे सामी ! मुहत्तगंहत्थच्छिण्णगं वा जाव जीवियाओ ववरोवेहि जावतावाहं मित्तणाइणियगसयणसंबंधिपरिजणं एवं वयामि-एवं खलु देवाणुप्पिया ! पावाई कम्माई समायरेत्ता इमेयारूवं आवइं पाविज्जामि तं मा ण देवाणुप्पिया ! तुब्मेहिं केई पावाई कम्माइं समायरउ मा णं सेऽवि एवं आवई पाविज्जिहिइ जहा णं अहं, तस्स णं तुम पएसी । पुरिसस्स खणमवि एयमट्ठ पडिसुणेज्जासि?, णो तिणद्वे समढे, जम्हा णं भंते ! अवराही णं से पुरिसे, एवामेव पएसी ! तववि अज्जए होत्था इहेव सेयवियाए णयरीए अधम्मिए जाव णो सम्मं करभरवित्ति पवत्तेइ से णं अम्ह वत्तव्वयाए सुबह जाव उववन्नो तस्स णं अज्जगस्स तुम णत्तुए होत्था इट्ठे कंते जाव पासणयाए, से ण इच्छइ माणुसं लोगं हव्वमागच्छित्तए णो चेव णं संचाएति हव्वमागच्छित्तए, चउहि ठाणेहिं पएसी ! अहुणोववण्णए नरएसु नेरइए इच्छेज्ज माणुसं लोग हव्वमागच्छित्तए नो चेव णं संचाएइ, अहणोववन्ने नरएसु नेरइए से णं तत्थ सुमहब्भूयं वेयणं वेदेमाणे माणुस्सं लोगं हव्व० णो चेवणं संचाएइ, अहुणोववन्नए नरएसुनेरइए नरयपालेहिं भुज्जो समहिट्ठिज्जमाणे इच्छइ माणुसंलोग हव्वमागच्छित्तए नो चेवण संचाएइ, अहुणोववन्नए नरएसुनेरइए निरयवेयणिज्जसि कम्मंसि अक्खीणंसि अवेइयंसि अनिज्जिन्नंसि इच्छइ माणसं लोगं० नो चेव णं संचाएइ, एवं णेरइए निरयाउयंसि कम्मंसि अक्खीणंसि अवेइयंसि अणिज्जिन्नंसि इच्छइ माणुसं लोगं० नो चेव णं संचाएइ हव्वमागच्छित्तए, इच्चेएहिं चउहिं ठाणेहिं पएसी अहुणोववन्ने नरएसु नेरइए इच्छइ माणुसं लोगं० णो चेवणं संचाएइ०, तं सद्दहाहिणं पएसी ! जहा अन्नो जीवो अन्नं सरीरं नो तंजीवो तंसरीरं १६५/तएणं से पएसी राया केसि कुमारसमणं एवं व०-अत्थि णं भंते ! एसा पण्णा उवमा० इमेण पुण कारणेण नो उवागच्छइ-एवं खलु भंते ! मम अज्जिया होत्था इहेव सेयवियाए नगरीए धम्मिया जाव वित्तिं कप्पेमाणी समणोवासिया अभिगयजीवाजीवा सव्वो वण्णओ जाव अप्पाणं भावेमाणी विहरइ साणं तुज्झं वत्तव्वयाए सुबहुं पुन्नोवचयं समज्जिणित्ता कालमासे कालं किच्चा अण्णयरेसु देवलोएसु देवत्ताए उववण्णा तीसेणं अज्जियाए अहं नत्तए होत्था इद्वे कंते जाव पासणयाए तं जइ णं सा अज्जिया मम आगंतुं एवं वएज्जा-एवं खलु नत्तुया ! अहं तव अज्जिया होत्था इहेव सेयवियाए नयरीए धम्मिया जाव वित्तिं कप्पेमाणी समणोवासिया जाव विहरामि तए णं अहं सुबहुं पुण्णोवचयं समज्जिणित्ता जाव देवलोएसु उववण्णा तं तुमंपिणत्तुया ! भवाहि धम्मिए जाव विहराहि तए णं तुमंपि एवं चेव सुबई पुण्णोवचयं सम जाव उववज्जिहिसि तं जइ णं अज्जिया मम आगंतुं एवं वएज्जा तो णं अहं सद्दहेज्जा पत्तिएज्जा रोइज्जा जहा अण्णो जीवो अण्णं सरीरंणो तंजीवो तंसरीरं, जम्हा सा अज्जिया ममं आगंतुंणो एवं वयति तम्हा सुपइट्ठिया मे पइण्णा० जहा तंजीवो तंसरीरं नो अन्नो जीवो अन्नं सरीरं, तएणं केसीकमारसमणे पएसीरायं एवं व०-जति णं तुम पएसी ! पहार्य कयबलिकम्म कयकोउयमंगलपायच्छित्तं उल्लपडसाडगं भिंगारकडच्छयहत्थगयं देवकुलमणुपविसमाणं केई य पुरिसे वच्चघरंसि ठिच्चा एवं वदेज्जा-इ (ए) ह ताव सामी ! इह मुहुत्तगं आसयह वा चिट्ठह वा निसीयह वा तुयट्टह वा, तस्स णं तुम पएसी ! पुरिसस्स खणमवि एयमढें पडिसुणिज्जासि ?, णो ति०, कम्हा णं ?, भंते ! असुई वा असुइसामंतो वा, एवामेव पएसी ! तववि अज्जिया होत्था इहेव सेयवियाए णयरीए धम्मिया जाव विहरति साणं अम्हं वत्तव्वयाए सुबहुं जाव उववन्ना तीसे णं अज्जियाए तुम णत्तुए होत्था इट्टे० किमंग पुण पासणयाए ?, साणं इच्छइ माणुसं लोगं हव्वमागच्छित्तए णो चेवणं संचाएइ हव्वमागच्छित्तए, चउहि ठाणेहिं पएसी! अहुणोववन्ने देवे देवलोएसु इच्छेज्जा माणुसं लोगं० णो चेवणं
संचाएइ०, अहणोववण्णे देवे देवलोएसु दिव्वेहिं कामभोगेहिं मुच्छिए गिद्धे गढिए अज्झोववण्णे से णं माणुसे भोगे नो आढाति नो परिजाणाति से णं इच्छिन म माणुसं० नो चेवणं संचाएति०, अहुणोववण्णए देवे देवलोएसु दिव्वेहि कामभोगेहिं मुच्छिए जाव अज्झोववण्णे तस्स णं माणुस्से पेम्मे वोच्छिन्ने भवति दिव्वे पिम्मे २ संकते भवति सेणं इच्छेज्जामाणुसं०णो चेवणं संचाएइ, अहुणोववण्णे देवे दिव्वेहिं कामभोगेहि मुच्छिए जाव अज्झोववण्णे तस्सणं एवं भवइ-इयाणिं गच्छं महत्तं DC 5 55%%%%%%%% %%ITH WITIST 心经 步步步步步步步步步步步步步步步%%%%%%步:
$$