Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 938

7095% %%%%% %%% (१३) रायपसेणियं [ (२) उवंगसुत्तं] [२७]
5555555 95495FFFFOUNOR र रहाओ पच्चोरूहइ त्ता तं महत्थं जाव गेण्हइ त्ता जेणेव पएसी राया तेणेवं उवागच्छइत्ता पएसि रायं करयल जाव वद्धावेत्ता तं महत्थं जाव उवणेइ, तए णं से पएसी
राया चित्तस्स सारहिस्सं तं महत्थं जाव पडिच्छइत्ता चित्तं सारहिं सक्कारेइ सम्माणेइत्ता पडिविसज्जेइ, तए णं से चित्ते सारही पएसिणा रण्णा विसज्जिए समाणे हट्ठजावहियए पएसिस्स रन्नो अंतियाओ पडिनिक्खमइत्ता जेणेव चाउग्घंटे आसरहे तेणेव उवागच्छइत्ता चाउग्घंटं आसरहं दुरूहइत्ता सेयवियं नगरी मज्झंमज्झेणं जेणेव सए गिहे तेणेव उवागच्छइत्ता तुरए निगण्हइ त्ता रहं ठवेइत्ता रहाओ पच्चोरूहइ ताण्हाए जाव उप्पिं पासायवरगए फुट्टमाणेहिं मुइंगमत्थएहिं बत्तीसइबद्धएहिं नाडएहिं वरतरूणीसंपउत्तेहिं उवणच्चिज्जमाणे उवगाइज्जमाणे उवलालिज्जमाणे इ8 सद्दफरिसजाव विहरइ।५८। तएणं केसीकुमारसमणे अण्णया कयाई पाडिहारियं पीढफलगसेज्जासंथारगं पच्चप्पिणइ त्ता सावत्थीओ नगरीओ कोट्ठगाओ चेइयाओ पडिनिक्खमइ ता पंचहि अणगारसएहिं जाव विहरमाणे जेणेव केयइअद्धे जणवए जेणेव सेयविया नगरी जेणेव मियवणे उज्जाणे तेणेव उवागच्छइत्ता अहापडिरूवं उग्गहं उग्गिण्हित्ता संजमेणं तवसा अप्पाणं भावेमाणे विहरति, तए णं सेयवियाए नगरीए सिंघाडग० महया जणसहेइ वा० परिसा णिग्गच्छइ, तए णं ते उज्जाणपालगा इमीसे कहाए लद्धट्ठा समाणा हट्ठतुट्ठजावहियया जेणेव केसीकुमारसमणे तेणेव उवागच्छन्ति त्ता केसिं कुमारसमणं वंदंति नमसंति त्ता अहापडिरूवं उग्गह अणुजाणंति पाडिहारिएणं जाव संथारएणं उवनिमंतंति णामगोयं पुच्छंति त्ता ओधारेति त्ता एगंतं अवक्कमंति अन्नमन्नं एवं व०-जस्स णं देवाणुप्पिया ! चित्ते सारही दंसणं कंखइ दंसणं पत्थेइ दंसणं पीहेइ दंसणं अभिलसइ जस्स णं णामगोयस्सवि सवणयाए हट्ठतुट्ठजावहियए भवति से णं केसीकुमारसमणे पुव्वाणपुब्विं चरमाणे गामाणुगामं दूइज्जमाणे इहमागए इह संपत्ते इह समोसढे इहेव सेयवियाए णगरीए बहिया मियवणे उज्जाणे अहापडिरूवं जाव विहरइ, तं गच्छामो णं देवाणुप्पिया ! चित्तस्स सारहिस्स एयमटुं पियं निवेएमो पियं से भवउ, अण्णमण्णस्स अंतिए एयमद्वं पडिसुणेति त्ता जेणेव सेयविया णगरी जेणेव चित्तस्स सारहिस्स गिहे जेणेव चित्ते सारही तेणेव उवागच्छंति त्ता चित्तं सारहिं करयल जाव वद्धावेति त्ता एवं व०-जस्स णं देवाणुप्पिया दंसणं कंखंति जाव अभिलसंति जस्सणं णामगोयस्सवि सवणयाए हट्ठजाव भवह सेणं अयं पासावच्चिज्जे केसी नाम कुमारसमणे पुव्वाणुपुव्विं चरमाणे० समोसढे जाव विहरइ, तए णं से चित्ते सारही तेसि उज्जाणपालगाणं अंतिए एयमट्ट सोच्चा णिसम्म हट्टतुट्ठ जाव (प्र० नरवरे) आसराओ अब्भुटुंति पायपीढाओ पच्चोरूहइत्ता पाउआओ ओमुयइत्ता एगसाडियं उत्तरासंगं करेइ अंजलिमउलियग्गहत्थे केसिकुमारसमणाभिमुहे सत्तट्ठ पयाइं अणुगच्छइत्ता करयलपरिग्गहियं० सिरसावत्तं मत्थए अंजलिं कटु एवं व०-नमोऽत्थु णं अरहताणं जाव संपत्ताणं, नमोऽत्थु णं केसिस्स कुमारसमणस्स मम धम्मायरियस्स धम्मोवदेसगस्स, वंदामि णं भगवंतं तत्थगयं इहगए पासउ मे भगवं तत्थगए इडगयंतिकटु वंदइ नमसइ ते उज्जाणपालए विउलेणं वत्थगंधमल्लालंकारेणं सक्कारेइ सम्माणेइ विउलं जीवियारिहं पीइदाणं दलयइत्ता पडिविसज्जइत्ता कोडुंबियपुरिसे सद्दावेइत्ता एवं व०-खिप्पामेव भो! देवाणुप्पिया चाउग्घंटं आसरह जुत्तामेव उवट्ठवेह जाव पच्चप्पिणह, तएणं ते कोकुंबियपुरिसा जाव खिप्पामेव सच्छत्तं सज्झयं जाव उवट्ठवित्ता तमाणत्तियं पच्चप्पिणंति, तएणं से चित्ते सारही कोडुंबियपुरिसाणं अंतिए एयमहूँ सोच्चा निसम्म हठ्ठतुट्ठजावहियए ण्हाए कयबलिकम्मे जाव सरीरे जेणेव चाउग्घंटे जाव दुरूहित्ता सकोरंट० महया भडचडगरेणं तं चेव जाव पज्जुवासइ धम्मकहाइ जाव ।५९/ तए णं चित्ते सारही केसिस्स कुमारसमणस्स अंतिए धम्म सोच्चा निसम्म हट्ठतुढे उट्ठाए तहेव एवं व०एवं खलु भंते ! अम्हं पएसी राया अधम्मिए जाव सयस्सविय णं जणवयस्सनो सम्मं करभरवित्तिं पवत्तेइ तं जइणं देवाणुप्पिया ! पएसिस्स रण्णो धम्ममाइक्ज्ज्जा बहुगुणतरं खलु होज्जा पएसिस्स रण्णो तेसिं च बहूणं दुपयचउप्पयमियपसुपक्खीसरीसवाणं तेसिं च बहूणं समणमाहणभिक्खुयाणं तं जइ णं देवाणुप्पिया !
पएसिस्स० बहुगुणतरं होज्जा सयस्सविय णं जणवयस्स।६०। तए णं केसीकुमारसमणे चित्तं सारहिं एवं व-एवं खलु चउहि ठाणेहिं चित्ता ! जीवा केवलिपन्नत्तं + धम्मं नो लभेज्जा सवणयाए, तं०-आरामगयं वा उज्जाणगयं वा समणं माहणं वा णो अभिगच्छइ णो वंदइ णो णमंसइ णो सक्कारेइ णो सम्मणेइ णो कल्लाणं मंगलं
देवयं चेइयं पज्जुवासेइ नो अट्ठाई हेऊइं पसिणाइं कारणाई वागरणाइं पुच्छइ, एएणं ठाणेणं चित्ता ! जीवा केवलिपन्नत्तं धम्मं नो लभंति सवणयाए, उवस्सयगयं reOFF555555555555555555 श्री आगमगुणमंजूषा - ८३१ 5555555555555 5 5FOR
55555555555555
FFFFFFFFREE开开新开五开开天开去开开开五五开明明明明明明明明明明明明明明明明乐
$F$$
中华听听听听听听听