Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 886

(3)
(१२) उववाइअं [ (१) उवंगसुतं (१२)] ********* सिरि सहदेवसामिस्स णमो । सिरि गोडी - जिराउला सव्वोदयय सणाहाणं णमो । नमोऽत्थुणं समणस्स भगवओ महइमहावीरवद्धमाणसामिस्स । सिरि गोयम - सोहम्माइ सव्व गणहराणं णमो । सिरि सुगुरु देवाणं णमो । 5 श्री औपपातिकोपांगसूत्रम् 555 तेणं कालेणं तेणं समएणं चंपा नामं नयरी होत्था रिद्धत्थिमियसमिद्धा पमुइयजण ( जणुज्जाण पा०) जाणणवया आइण्णजणमणुस्सा हलसयसहसंकिट्टविकिठ्ठलट्टपण्णत्तसेउसीमा कुक्कुडसंडे अगामपउरा उच्छुजवसालिकलिया (मालिणीया पा० ) गोमहिसगवेलगप्पभूता आयरवंतचेइयजुवइविविह (अरिहन्तचेइयजणवयवि० सुयागचित्तचेइयजुय० पा० ) बिहुला उक्कोडियगाय (गाहा पा०) गंठिभेयभडतक्करखंडरक्खरहिया खेमा णिरुवद्दवा सुभिक्खा वीसत्यसुहावासा अणेगकोडिकुटुंबियाइण्णणिव्वयसुहा णडणट्टगजल्लमल्ल मुट्ठियवेलंबयकह गपवगलासग-आइक्खगलंखमंखतूणइल्लतुंबवीणियअणेगता लायराणुचरिया आरामुज्जाण अगडतलागदीहिय वप्प णिगुणोववेया (नंदणवणसन्निभप्पगासा पा०) उव्विद्धविउल गंभीरखायफलिहा चक्कगयमसंडि ओरोहयग्घिजमलक वाडघणदुप्पवेसा धणुकुडिल वंकपागारपरिक्खित्ता कविसीसयवट्टरइय संठियविराय माणा अट्टालय चरियदार गोपुरतोरणउण्णयसुविभत्तरायमग्गा छेयायरियरइयदढफलिहइंदकीला विवणिवणिच्छेत्त(छेय पा० ) सिप्पियाइण्णणिव्वयसुहा सिंघाडगतिगचउक्कचच्चर(चउम्मुहमहापहपहेसुपा०)पणियावणविविहवत्थुपरिमंडिया सुरम्मा नरवइपविइण्णमहिवइपहा अणेगवरतुरगमत्तकुं जररहपहकरसीयसं दमाणीयाइण्णजाणजुग्गा विमउलणलिणिसोभियजला पंडुरवरभवणसण्णिमहिया उत्ताणणयणपेच्छणिज्जा पासादीया दरिसणिज्जा अभिरुवा पडिरूवा |१| तीसे णं चंपाए णयरीए बहिया उत्तरपुरच्छिमे दिसिभाए पुण्णभद्दे नामं चेइए होत्था, चिराइए पुव्वपुरिसपण्णत्ते पोराणे सद्दिए वित्तिए ( कित्तिए पा० ) णाए सच्छत्ते सज्झए सघंटे (सपडागे पा० ) पडागाइपडागमंडिए सलोमहत्थे कयवेयद्दिए लाउल्लोइयमहिए गोसीससरसरत्तचं दणदद्दरदिण्णपंचंगुलितले उवचियचंदणकलसे चंदणघडसुकयतोरणपडि दुवारदेसभाए आसत्तोसत्तविउलवट्टवग्घा रियमल्लदामकलावे पंचवण्णसरससुर हिमुक्कपुप्फपुंजोवयारकलिए कालागुरुपवरकुंदुरुक्कतुरक्कडज्ज्ञंतधूवमघमघंतगंधुद्धयाभिरामे सुगंधवरगंधगंधिए गंधवट्टिभूए णडणट्टगजल्लमल्ल-मुट्ठियवेलंबयपवगकहगलासगआइक्खलंखमंखतूणइल्लतुंबवीणियभुय- गमागहपरिगए बहुजणजाणवयस्स विस्सुयकित्तिए बहुजणस्स आहुणिज्जे पाहुणिज्जे अच्चणिज्जे वंदणिज्जे नमंसणिज्जे पूयणिज्जे सक्कारणिज्जे सम्माणणिज्जे कल्लाणं मंगलं देवयं चेइयं विणएणं पज्जुवासिणिज्जे दिवे सच्चे सच्चोवाए सण्णिहियपाडिहेरे जागसहस्सदायभागपडिच्छए (जागभागदायसहस्सपडिच्छाए पा०) बहुजणो अच्चेइ आगम्म पुण्णभद्दं चेइयं |२| से णं पुण्णभद्दे चेइए एक्केणं महया वणसंडेणं सव्वओ समंता संपरिक्खत्ते, से णं वणसंडे किण्हेकिण्होभासे नीले नीलोभासे हरिए हरिओभासे सीए सीओभासे गिद्धे णिदोभासे तिव्वे तिव्वोभासे किण्हे किण्हच्छाए नीले नीलच्छाए सीए सीयच्छाए णिद्धे णिद्धचछाए तिव्वे तिव्वच्छाए घणकडिअतडिच्छाए रम्मे महामेहणिकुरंबभूए, ते णं पायवा मूलमंत कंदमंतो खंधमंतो तयामंतो सालमंतो पवालमंतो पत्तमंतो पुप्फमंतो फलमंतो बीयमंतो (हरियमंतो पा०) अणुपुव्वसुजायरुइलवट्टभावपरिणया एक्कखंधा अणेगसाला अणे गसाहप्पसाहविडिमा अणेगनरवामसुप्पसारिअ अग्गेज्झघणविउबद्धखंधा (पाईणपडि णाययसाला उदीर्णदाहिणविच्छण्णा ओणयनयपणयविप्पहाइयओलंबपलंबलंबसाहप्पसाहविडिमा अवाईणपत्ता अणुईण्णयत्ता पा०) अच्छिद्दपत्ता अविरलपत्ता अवाईणपत्ता अणई अपत्ता निद्धुयजरढपंडुपत्ता णवहरियभिसंपत्तभारंधकार गंभीरदरिसणिज्जा उवणिग्गयणवतरुणपत्तपल्लवकोमलउज्जलचलंत किसलयसुकुमालपवासोहिवरंकुरग्ग सिहरा णिच्वं कुसुमिया णिच्चं माझ्या णिच्चं लवइया णिच्चं थवइया णिच्चं गुलइया णिच्चं गोच्छिया णिच्वं जमलिया णिच्वं जुवलिया णिच्चं विणमिया णिच्चं पणमिया णिच्चं कुसुमिय माइयलवइयथवइयगुलइय गोच्छियजुवलियविणमियपण मियसुविभत्तपिंडमंजरिव- डिसयधरा सुयबरहिणभय णसालकोइलकोहंगकभिंगारककोंडल
सौभ्न्य :- गच्छाधिपति विभ्यरामसूरि म.सा. (डहेलावाला) ना अज्ञावर्तिनी प.पू. विदूषी साध्वी श्री रत्नप्रभाश्री म.सा. ना शिष्या प. पू. साध्वीश्री અક્ષયરત્નાશ્રીજી મ.સા. ના સિદ્ધિતપ પ.પૂ. સાધ્વીશ્રી પ્રિયરા શ્રીજી મ.સા. ના વર્ષીતપ નિમિત્તે એક સગૃહસ્થ (અમદાવાદ) फफफफफफ 45 LTT ATT
h