Page Text
________________
फ्र (१०) पण्डावागरणं पढमो सुयक्खधो पढमं अज्झयणं पढमं आसवदारं (अधम्मदार) पिट्टकी (१ ) [१] फ्र सिरि उसाहदेव सामिस्स णमो । सिरि गोडी जिराउला सव्वोदय पास गहाणं णमो नमोऽत्थुणं समणस्स भगवओ महइ महावीर वद्धमाण सामिस्स । सिरि गोयम - सोहम्माइ सव्व गणहराणं णमो । सिरि सुगुरु देवाणं णमो । 5 श्रीप्रश्नव्याकरणदशाङ्गम् 555 जंबू । 'इणमो अण्हयसंवरविणिच्छयं पवयणस्स निस्संदं । वोच्छामि णिच्छयत्थं सुहासियत्थं महेसीहिं ॥ १ ॥ (तेणं कालेणं तेणं समएणं चंपा नाम नगरी होत्था, पुण्णमद्दे चेड़ए वणसंडे असोगवरपायवे पुढवीसिलापट्टए, तत्थ णं चंपाए नगरीए कोणिए नाम राया होत्था, धारिणी देवी, तेणं कालेणं० समणस्स भगवओ महावीरस्स अंतेवासी अज्जसुहम्मे नाम थेरे जाइसंपन्ने कुलसंपन्ने बलसंपन्ने रूवसंपन्ने विणयसंपन्ने नाणसंपन्ने दंसणसंपन्ने चरित्तसंपन्ने लज्जासंपन्ने लाघवसंपन्ने ओयंसी तेयंसी वच्चसी जसं सी जियकोहे जियमाणे जियमाए जियलोभे जियनिद्दे जियइंदिए जियपरीसहे जीवियासमरणभयविप्पमुक्के तवप्पहाणे गुणप्पहाणे मुत्तिप्पहाणे विज्नापहाणे मंतप्पहाणे
प्हाणे वयप्पहाणे नयप्पहाणे नियमप्पहाणे सच्चप्पहाणे सोयप्पहाणे नाणप्पहाणे दंसणप्पहाणे चरित्तप्पहाणे चोदसपुब्वी चउनाणेवगए पंचहिं अणगारसएहिं सद्धिं संपरिवुडे पुव्वाणुपुव्विं चरमाणे गामाणुगामं दूइज्जमाणे जेणेव चंपा नगरी तेणेव उवागच्छइ जाव अहापडिरूवं उग्गहं उग्गिण्हित्ता संजमेणं तवसा अप्पाणं भावेमाणे विहरति। तेणं कालेणं० अज्जसुहम्मस्स अंतेवासी अज्जजंबूनामं अणगारे कासवगोत्तेणं सत्तुस्सेहे जाव संखित्तविपुलतेयलेस्से अज्जसुहम्मस्स थेरस्स अदूरसामन्ते उडढजाणू जाव संजमेणं तवसा अप्पाणं भावेमाणे विहरइ, तए णं से अज्जजंबू जायसड्ढे जायसंसए जायकोउहल्ले उप्पन्नसद्धे० संजायसद्धे० समुप्पन्नसद्धे० उट्ठाए उट्ठेइ ता जेणेव अज्जसुहम्मे थेरे तेणेव उवागच्छइ त्ता अज्जसुहम्मं थेरं तिक्खुत्तो आयाहिणपयाहिणं करेइ त्ता वंदइ नमसइ त्ता नच्चासन्ने नाइदूरे विणणं पंजलिपुडे पज्जुवासमाणे एवं व० जइ णं भंते । समणेणं भगवयामहावीरेणं जाव संपत्तेणं णवमस्स अंगस्स अणुत्तरोववाइयदसाणं अयमट्ठे पं० दसमस्स णं भंते ! अंगस्स पण्हावागरणाणं समणेणं जाव संपत्तेणं के अट्ठे पं० १. जंबू ! दसमस्स अंगस्स समणेणं जाव संपत्तेणं दो सुयक्खंधा पं०- आसवदारा य संवरदारा य, पढमस्स णं भंते! सुयक्खंधस्स समणेणं जाव संपत्तेणं कइ अज्झयणा पं० १. जम्बू ! पढमस्स णं सुयक्खंधस्स समणेणं जाव संपत्तेणं पंच अज्झयणा पं०, दोच्चस्स णं भंते! ० एवं चेव, एएसिं णं भंते! अण्हयसंवराणं समणेणं जाव संपत्तेणं के अट्ठे पं०१, तते णं अज्जसुहम्मे थेरे जंबूनामेणं अणगारेणं एवं वुत्ते समाणे जंबू अणगारं एवं व० पा०) (पंचविहो पण्णत्तो जिणेहिं. इह अण्हओ अणादीओ । हिंसा मोसमदत्तं अब्बंभ परिग्गहं चेव ||२||जारिसओ १ जनामा २ जह य कओ ३ जारिसं फलं देति ४। जेविय करेति पावा पाणवहं ५ तं निसामेह || ३ || पाणवहो नाम एस निच्चं जिणेहिं भणिओ-पावो चंडो रुद्दो खुद्दो साहसिओ अणारिओ णिग्घिणो णिस्संसो महभओ पइभओ १० अतिभओ बीहणओ तासणओ अणज्जो उव्वेयणओ य णिरवयक्खो णिद्धम्मो णिप्पिवासो णिक्कलुणो निरयवासगमणनिधणो २० मोहमहब्भयपयट्टओ मरणावेमणस्सो २२ ★★★ । पढमं अधम्मदारं । ★★★ १ | तस्स य नामाणि इमाणि गोण्णाणि होति तीसं, तं०-पाणवहं उम्मूलणा सरीराओ अवीसंभो हिंसविहिंसा तहा अकिच्चं च घायणा मारणा य वहणा उद्दवणा तिवायणा य १० आरंभसमारंभो आउयकम्मस्सुवद्दवो भेणिवणगालणाय संवट्टगसंखेवो मच्चू असंजमो कडगमद्दणं वोरमणं परभवसंकामकारओ दुग्गतिप्पवाओ पावकोवो य पावलोभो २० छविच्छेओ जीवियंतकरणो भयंकरो अणकरो य वज्जो परितावणअण्हओ विसाणो निज्जवणा लुंपणा गुणाणं विराहणत्ति ३० विय तस्स एवमादीणि णामधेज्जाणि होति तीसं पाणवहस्स कलुसस्स कडुयफलदेसगाई । २। तं च पुण करेति केई पावा अस्संजया अविरया अणिहुयपरिणामदुप्पयोगी पाणवहं भयंकरं बहुविहं बहुप्पगारं परदुक्खुप्पायणप्पसत्ता इमेहिं तसथावरेहिं जीवेहिं पडिणिविट्ठा, किं ते ?, पाढीणतिमितिमिगिल अणेगझसविविहजातिमंडुक्क दुविहकच्छभणक्कमगरदुविहगाहादिलिवेढयमंदुयसीमागारपुलुसु सुमारबहुप्पगारजलयरविहाणाकते य एवमादी कुरंगरुरुसरभचमरसंबरउरब्भससयपसयगोण-सरोहियहयगयखरकरभखग्गवानरराव
ZPXCOME
સૌજન્ય :- પ. પૂ. સાધ્વીશ્રી ધૈર્યપ્રભાશ્રીજીના શિષ્યા પ.પૂ. સાધ્વીશ્રી ગુણમાલાશ્રીજી ના શિષ્યા પ.પૂ. સાધ્વીશ્રી હિતપ્રભાજી ની પ્રેરણાથી મુલુન્ડ (પૂર્વ) અચલગચ્છ જૈન સંઘ फफफफफफफफफ श्री आगमगुणमंजूषा ७३३०
| SR No. | 002601 |
| Book Title | Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 1868 |
| Language | Prakrit, Gujarati, Hindi, English |
| Classification | Book_Devnagari, Agam, & Canon |
| File Size | 85 MB |