Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 799

PROBO9555555555555
(७) उवासगदसाआ २ - कामदेव [७]
历历历乐乐%%%%%%%
C%听听听听听听听听听听听听听听听乐乐听听听听听听乐乐纸听听听听听听听听听听听听听听听听听听听听玩乐。
मिसिमिसीयमाणे कामदेवं समणोवासयं एवं व- हंभो कामदेवा समणोवासया ! अप्पत्थियपत्थिया दुरन्तपन्तलक्खणा हीणपुण्णचाउद्दसिया सिरिहिरिधिइकित्तिपरिवज्जिया धम्मकामया पुण्णकामया सग्गकामया मोक्खकामया धम्मकलिया० धम्मपिवासिया० नो खलु कप्पइ तव देवाणुप्पिया ! जं सीलाई वयाई वेरमणाई पच्चक्खाणाई पोससहोववासाई चालित्तए वा खोभित्तए वा खण्डित्तए वा भञ्जित्तए वा उज्झित्तए वा परिचइत्तए वा, तं जड़ णं तुम अज्ज सीलाइं जाव पोसहोववासाइं न छड्डसिन भञ्जसि तो ते अहं अज्ज इमेणं नीलुप्पल जाव असिणा खण्डाखण्डिं करेमि, जहा णं तुम देवाणुप्पिया ! अठ्ठदुहट्टवसट्टे अकाले चेव जीवियाओ ववरोविज्जसि. तए णं से कामदेवे समणोवासए तेणं देवेणं पिसायरूवेणं एवं वुत्ते समाणे अभीए अतत्थे अणुद्विग्गे अक्खुभिए अचलिए असम्भन्ते तुसिणीए धम्मज्झाणोवगए विहरइ ।१९ । तए णं से देवे पिसायरूवे कामदेवं समणोवासयं अभीयं जाव धम्मज्झाणोवगयं विहरमाणं पासइ त्ता दोच्चंपि तच्वंपि कामदेवं एवं व०- हंभो कामदेवा समणोवासया ! अप्पत्थियपत्थिया० जइ णं तुमं अज्ज जाव ववरोविज्जसि, तए णं से कामदेवे समणोवासए तेणं देवेणं दोच्चंपि तच्चपि एवं वुत्ते समाणे अभीए जाव धम्मज्झाणोवगए विहरइ, तए णं से देवे पिसायरूवे कामदेवं समणोवासयं अभीयं जाव विहरमाणं पासइत्ता आसुरुत्ते०
तिवलियं भिउडि निडाले साहटु कामदेवं समणोवासयं नीलुप्पल जाव असिणा खण्डाखण्डि करेइ, तए णं से कामदेवे समणोवासए तं उज्जलं-जाव दुरहियासं + वेयणं सम्मं सहइ जाव अहियासेइ।२०। तए णं से देवे पिसायरूवे कामदेवं समणोवासयं अभीयं जाव विहरमाणं पासइ त्ता जाहे नो संचाएइ कामदेवं समणोवासयं
निग्गन्थाओ पावयणाओ चालित्तए वा खोभित्तए वा विपरिणामित्तए वा ताहे सन्ते तन्ते परितन्ते सणियं पच्चोसक्कइ त्ता पोसहसालाओ पडिणिक्खमइ त्ता दिव्वं पिसायरूवं विप्पजहइ त्ता एगं महं दिव्वं हत्थिरूवं विउव्वइ, सत्तङ्गपइट्ठियं सम्मंसंठियं सुजायं पुरओ उदग्गं पिट्ठओ वराहं अयाकुच्छिं अलम्बकुच्छिं पलम्बलम्बोदराधराधरकर अब्भुग्गयमउलमल्लियाविमलधवलदन्तं कञ्चणकोसीपविठ्ठदन्तं आणामियचावललियसंवल्लियग्गसोण्डं कुम्मपडिपुण्णचलणं वीसइनक्खं अल्लीणपमाणजुत्तपुच्छं मत्तं मेहमिव गुलगुलेन्तं मणपवणजइणवेगं दिव्वं हत्थिरूवं विउव्वइ त्ता जेणेव पोसहसाला जेणेव कामदेव समणोवासए तेणेव उवागच्छइत्ता कामदेव समणोवासयं एवं व०- हंभो कामदेवा समणोवासया! तहेव भणइ जावन भञ्जसितोतं अज्ज अहं सोण्डाए गिण्हामित्ता पोसहसालाओ नीणेमि त्ता उड्ढं वेहासं उब्विहामि त्ता तिक्खेहिं दंतमुसलेहि पडिच्छामि त्ता अहेधरणितलंसि तिक्खुत्तो पाएसु लोलेमि जहा णं तुमं अट्टदुहट्टवसट्टे अकाले चेव जीवियाओ ववरोविज्जसि, तए णं से कामदेवे समणोवासए तेणं देवेणं हत्थिरूवेणं एवं वुत्ते समाणे अभीए जाव विहरइ. तए णं से देवे हत्थिरूवे कामदेवं समणोवासयं अभीयं जाव विहरमाणं पासइ त्ता दोच्वंपि तच्चपि कामदेवं समणोवासयं एवं व०- हंभो कामदेवा ! तहेव जाव सोवि विहरइ, तए णं से देवे हत्थिरूवे कामदेवं समणोवासयं अभीयं जाव विहरमाणं पासइ त्ता आसुरुत्ते० कामदेवं समणोवासयं सोण्डाए गेण्हेइत्ता उड्ढं वेहासं उब्विहइ त्ता तिक्खेहिं दंतमुसलेहिं पडिच्छइत्ता अहेधरणितलंसि तिक्खुत्तो पाएसुलोलेइ, तए णं से कामदेवे समणोवासए तं उज्जलं जाव अहियासेइ।२१। तए णं से देवे हत्थिरूवे कामदेवं समणोवासयं जाहे नो संचाएइ जाव सणियं सणियं पच्चोसक्कइत्ता पोसहसालाओ पडिणिक्खमइत्ता दिव्वं हत्थिरूवं विप्पजहइत्ता एणं महं दिव्वं सप्परूवं विऊव्वइ, उग्गविसं चण्डविसं घोरविसं महाकायं मसीमूसाकालगं नयणविसरोसपुण्णं अञ्जणपुअनिगरप्पगासं रत्तच्छ लोहियलोयणं जमलजुयलचालजीहं धरणीयलपेणिभूयं उक्कडफुडकुडिलजडिलक्कसवियडफडाडोवकरणदच्छं लोहागरधम्ममाणधम्मधमेन्तघोसं अणागलियतिव्वचण्डरोसं सप्परूवं विउव्वइत्ताजेणेव पोसहसालाजेणेव कामदेवे समणोवासए तेणेव उवागच्छइत्ता कामदेवं समणोवासयं एवं व०- हंभो कामदेवा समणोवासया ! जाव न भञ्जसि तो ते अज्जेव अहं सरसरस्स कायं दुरुहामि त्ता पच्छिमेणं भाएणं तिक्खुत्तो गीवं वेडेमित्ता तिक्खाहिं विसपरिगयाहिं दाढाहिं उरंसि चेव निकुट्टेमि जहा णं तुम अट्टदुहट्टवसट्टे अकाले चेव जीवियाओ
ववरोविज्जसि, तएणं से कामदेवे समणोवासए तेणं देवेणं सप्परूवेणं एवं वुत्ते समाणे अभीए जाव विहरइ, सोवि दोच्वंपि तच्चपि भणइ कामदेवोवि जाव विहरइ, तए रणं से देवे सप्परूवे कामदेवं समणोवासयं अभीयं जाव पासइत्ता आसुरुत्ते० कामदेवस्स समणोवासयस्स सरसरस्स कार्य दुरुहइत्ता पच्छिमभाएणं तिक्खुत्तोगीवं Merc555541555555555555555555श्री आगमगुणमंजषा - ७०२.555555555555555555555555556POR
GO货明明明明明明明明明明明明明明明明明明明明听听听听听明明明明明明明听听听听听听听听听听听听听听听23