Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 716

RORRO4455555555
णायाधम्मकहाओ प.सु.
३ अ. अंडे
(२९]
$$$$$$$$$$$
exox
FONOR
听听听听听听乐乐玩玩乐乐乐听听听听听听听听听听听听听听听听乐乐玩玩乐乐乐乐乐乐乐乐乐听乐乐6G
अन्नमन्नस्स एतमट्ठ पडिसुणेति, २त्ता सए सए दासचेडे सद्दावेति, २त्ता एवं वदासी गच्छह णं तुब्भे देवाणुप्पिया ! इमे अंडए गहाय सगाणं सगाणं जातिमंताणं कुक्कुडीणं अंडएसु पक्खिवह, जाव ते वि पक्खिवेति । ततेणं ते सत्थवाहदारगा देवदत्ताए गणियाए सद्धिं सुभूमिभागस्स उज्जाणस्स उज्नाणसिरिं पच्चणुब्भवमाणा विहरित्ता तमेव जाणं दुरूढा समाणा जेणेव चंपा नगरी जेणेव देवदत्ताए कणियाए गिहे तेणेव उवागच्छति, २ ता देवदत्ताए गिहं अणुपविसंति, २ ता देवदत्ताए गणियाए विपुलं जीवियारिहं पीतिदाणं दलयंति, २त्ता सक्कारेति सम्माणेति, २त्ता देवदत्ताए गिहातो पडिनिक्खमंति, २ त्ता जेणेव साइं साइं गिहाई तेणेव उवागच्छंति, २ त्ता सकम्मसंपउत्ता जाया यावि होत्था । ४९. तते णं जे से सागरदत्तपुत्ते सत्थवाहदारए से णं कल्लं जाव जलते जेणेव से वणमयूरीअंडए तेणेव उवागच्छति, २ तंसि मयूरीअंडयंसि संकिते कंखिते वितिगिंछसमावण्णे भेयसमावण्णे कलुससमावण्णे किण्णं ममं एत्थ कीलावणए मयूरीपोयए भविस्सति उदाहु णो भविस्सति त्ति कट्टतं मयूरीअंडयं अभिक्खणं २ उव्वत्तेति परियत्तेति आसारेति संसारेति चालेति फंदेइ घट्टेति खोभेति अभिक्खणं २ कण्णमूलंसि टिट्टियावेति। तते ॥ णं से मयूरीअंडए अभिक्खणं २ उव्वत्तिज्जमाणे जाव टिट्टियावेज्जमाणे पोच्चडे जाते यावी होत्था । तते णं से सागरदत्तपुत्ते सत्थवाहदारए अण्णया कदाइ जेणेव से वणमयूरीअंडए तेणेव उवागच्छति, २ त्तातं मयूरीअंडयं पोच्चडमेव पासति, २ अहो णं ममं एत्थ कीलावणए मयूरिपोयए ण जाए त्ति कट्ट ओद्दतमण जाव झियाइ। एवामेव समणाउसो ! जो अम्हं निग्गंथो वा निग्गंथी वा आयारियउवज्झायाणं अंतिए पव्वतिए समाणे पंचमहव्वएसु छज्जीवनिकाएसु निग्गंथे पावयणे संकिते जाव कलुससमावन्ने से णं इह भवे चेव बहूणं समणाणं बहूणं समणीणं बहूणं सावगाणं [बहूणं] सावियाणं हीलणिज्जे निंदणिज्जे खिंसणिज्जे गरहणिजे, परिभवणिज्जे, परलोए वि य णं आगच्छति बहूणि दंडणाणि य जाव अणुपरियट्टइ। ५०. तते णं से जिणदत्तपुत्ते जेणेव से मयूरीअंडए तेणेव उवागच्छति, २ तंसि मयूरीअंडयंसि निस्संकिते सुव्वत्तण्णं मम एत्थ कीलावणए मयूरिपोयए भविस्सति त्ति कट्टतं मयूरिअंडयं अभिक्खणं २ नो उव्वत्तेति जाव नो टिट्टियावेति । तते णं से मयूरीअंडए अणुव्वत्तिज्जमाणे जाव अट्टियाविजमाणे कालेणं समएणं उब्भिन्ने मयूरिपोयए एत्थ जाते । तते णं से जिणद [त्तपु] ते तं मयूरपोययं पासति, २त्ता हट्टतुढे मयूरपोसए सद्दावेति, २त्ता एवं वदासी तुब्भे णं देवाणुप्पिया ! इमं मयूरपोययं बहूहिं मयूरपोसणापाउग्गेहिं दव्वेहि अणुपुव्वेणं सारक्खमाणा संगोवेमाणा संवड्ढेह नहल्लगं च सिक्खावेह । तते णं ते मयूरपोसगा जिणदत्तपुत्तस्स एतमढे पडिसुणेति, २ तं मयूरपोययं गेण्हंति, जेणेव सए गिहे तेणेव उवागच्छंति, २त्ता तं मयूरपोयगं जाव नट्टल्लगं सिक्खावेति । तते णं से मयूरपोयए उम्मुक्क बालभावे विण्णय [परिणयमेत्ते] जोव्वणग [मणुप्पत्ते] लक्खणवंजण [गुणोववेए] माणुम्माणप्पमाणपडिपुण्णपक्खपेहुणकलावे विचित्तपिच्छसतचंदए नीलकंठए नच्चणसीलए एगाए चप्पुडियाए कयाए समाणीए अणेगातिं नट्टलगसयाति केयाइयसयाणि य करेमाणे विहरति । तते णं ते मयूरपोसगा तं मयूरपोयगं उम्मुक्त जाव करेमाणं पासित्ता तं मयूरपोयगं गेण्हंति, २त्ता जिणदत्तपुत्तस्स उवणेति। तते णं से जिणदत्तपुत्ते सत्थवाहदारए मयूरपोयगं उम्मुक्त जाव करेमाणं पासित्ता हट्ठतुढे तेसिं विपुलं जीवियारिहं पीतिदाणं जाव पडिविसज्जेइ। तए णं से मयूरपोतए जिणदत्तपुत्तेणं एगाए चप्पुडियाए कदाए समाणीएणंगोलाभंगसिरोधरे सेयावंगे ओयारियपइण्णपक्खे उक्खित्तचंदकातियकलावे केक्काइयसय विमुच्चमाणे णच्वइ । तते णं से जिणदत्तपुत्ते तेणं मयूरपोयएणं चंपाए नयरीए सिंघाडग जाव पहेसु सतिएहिं य साहस्सिएहिं य सयसाहस्सिएहिं य पणिएहि जयं करेमाणे विहरति । एवमेव समणाउसो! जो अम्हं निग्गंथो वा निग्गंथी वा पव्वतिए समाणे पंचसु महव्वएसुछसुजीवनिकाएसु निग्गंथे पावयणे निस्संकिते निक्कंखिते निव्वितिगिच्छे से णं इह भवे चेव बहूणं समणाणं समणीणं जाव वीतिवतिस्सति । एवं खलु जंबू । समणेणं [भगवया महावीरेणं] णायाणं तच्चस्स अज्झयणस्स अयमद्वे पण्णत्ते त्ति बेमि।
। तच्चं नायज्झयणं सम्मत्तं ॥३॥ चउत्थं अज्झयणं 'कुम्मे'555 ५१. जति णं भंते ! समणेणं भगवया महावीरेणं णायाणं तच्चस्स णायज्झयणस्स अयमढे पण्णत्ते, चउत्थस्स णं णायाणं के अटे पण्णत्ते? एवं खलु जंबू ! ते णं काले णं ते णं समए णं वाणारसी नाम नयरी होत्था वण्णओ। तीसे
णं वाणारसीए नयरीए उत्तरपुरस्थिमे दिसीभागे गंगाए महानदीए मयंगतीरबहे नाम दहे होत्था, अणुपुव्वसुजायवप्पगंभीरसीयलजले अच्छविमलसलिलपलिच्छन्ने XOOf54 5555555555555 श्री आगमगुणमंजूषा - ६१९5555555555555555 OR
$$$听听听听听听听听听听听听听听听听听听听听听听听听听听听听听听听听听听听听听听听听听听听听听2