Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 714

For:55555555555555
(क) णायाधम्मकहामो प.स. २ अ. संघाडे / ३ अ. अंडे २०
5 55555555555555SONOR
OLIC%明斯坎听听听听听听乐听听听听听听听听听听听听听玩玩乐乐乐听听听听听听听听乐听听听听听听听乐乐乐C
विपुलातिं भोगभोगाइं भुंजमाणी विहरति । तते णं से विजए तक्करे चारगसालाए तेहिं बंधेहिं य वहेहिं य कसप्पहारेहि य जाव तण्हाए य छुहाए य परब्भमाणे कालमासे कालं किच्चा नरएसुनेरइयत्ताए उववन्ने । सेणं तत्थ नेरइए जाते काले कालोभासे जाव वेयणं पच्चणुब्भवमाणे विहरति । से णं तओ उव्वट्टित्ता अणादीयं अणवदग्गं दीहमद्धं चाउरंतं संसारकंतारं अणुपरियट्टिस्सति । एवामेव जंबू ! जे णं अम्हं निग्गंथो वा निग्गंथी वा आयरियउवज्झायाणं अंतिए मुंडे भवित्ता अगाराओ अणगारियं पव्वतिए समाणे विपुलमणि-मोत्तिय-धण-कणग-रयण-सारेणं लुब्भति से वि एवं चेव । ४२. ते णं काले णं ते णं समए णं थेरा भगवंतो जातिसंपन्ना जाव पुव्वाणुपुव्विं चरमाणा जाव जेणामेव रायगिहे नगरे जेणेव गुणसिलए चेतिए जाव अहापडिरूवं उग्गहं ओगिण्हित्ता संजमेणं तवसा अप्पाणं भावेमाणा विहरंति। परिसा निग्गया, धम्मो कहितो। तते णं तस्स धणस्स सत्थवाहस्स बहुजणस्स अंतिए एतमढे सोच्चा णिसम्म इमेतारूवे अज्झत्थिए जाव समुप्पज्जित्था एवं खलु भगवंतो जातिसंपन्ना इहमागया, इह संपत्ता, ते इच्छामि णं थेरे भगवंते वंदामि, नमसामि । पहाते जाव सुद्धप्पावेसाति मंगल्लाइं वत्थाई पवर परिहिए पायविहारचारेणं जेणेव गुणसिले चेतिएजेणेव थेरा भगवंतो तेणेव उवागच्छति, २त्ता वंदति नमंसति । तते णं थेरा भगवंतो धणस्स विचित्तं धम्ममातिक्खंति। तते णं से धणे सत्थवाहे धम्म सोच्चा एवं वदासी सद्दहामिणं भंते ! निग्गंथं पावयणं जाव पव्वतिते जाव बहूणि वासाणि सामण्णपरियागं पाउणित्ता, भत्तं पच्चक्खातित्ता, मासियाए संलेहणाए सर्व्हि भत्ताइं अणसणाए छेदेत्ता, कालमासे कालं किच्चा सोहम्मे कप्पे देवत्ताए उववन्ने । तत्थ णं अत्थेगतियाणं देवाणं चत्तारि पलिओवमाइंठिती पन्नता। तत्थ णं धणस्स वि देवस्स चत्तारि पलिओवमाइं ठिती पण्णत्ता। सेणं धणे देवे ताओ देवलोगाओ आउक्खएणं ठितिक्खएणं भवक्खएणं अणंतरं चयं चइत्ता महाविदेहे वासे सिज्झिहिति बुज्झिहिति सव्वदुक्खाणमंतं करेहिति। ४३. जहा णं जंबू ! धणेणं सत्थवाहेणं नो धम्मो त्ति वा जाव विजयस्स तक्करस्स तातो विपुलातो असण ४ संविभागे कए, नन्नत्थ सरीरसारक्खणट्ठाए, एवामेव जंबू ! जे णं अहं निग्गंथे वा निग्गंथी वा जाव पव्वतिए समाणे ववगयण्हाणुम्मद्दण-पुप्फ-गंधमल्लालंकारविभूसे इम्मस्स ओरालियस्स सरीरस्स नो वण्णहेडं वा रूवहेउं वा विसयहेउं वा तं विउलं असणं ४ आहारमाहारेति, नन्नत्थ णाणदंसणचरित्ताणं वहणट्ठयाए, सेणं इहलोए चेव बहूणं समणाणं समणीणं सावगाण य साविगाण य अच्चणिज्जे जाव पज्जुवासणिज्जे भवति, परलोए वि यणं नो बहूणि हत्थच्छेयणाणि य कण्णच्छेयणाणि य नासाच्छेयणाणि य एवं हिययउप्पाडणाणि य वसणुप्पाडणाणि य ओलंमणाणि य पाविहिति, पुणो अणाइयं च णं अणवदग्गं दीह जाव वीतिवतिस्सति, जहा व से धणे सत्थवाहे । एवं खलु जंबू ! समणेणं भगवया जाव दोच्चस्स नायज्झयणस्स अयमढे पण्णत्ते त्ति बेमि || ॥ बितीयं अज्झयणं सम्मत्तं ॥ तच्चं अज्झयणं 'अंडे ४४. जति णं भंते ! समणेणं भगवया महावीरेणं जाव एवं खलु जंबू ! तेणं काले णं ते णं समए णं चंपा नाम नगरी होत्था, वण्णओ । तीसे णं चंपाए नयरीए बहिया उत्तरपुरत्थिमे दिसीभाए सुभूमिभागे नाम उजाणे सव्वोउय० सुरम्मे नंदणवणे इव सुहसुरभिसीयलच्छायाए समणुबद्धे । तस्स णं सुभूमिभागस्स उज्जाणस्स उत्तरे एगदेसंमि मालुयाकच्छए, वण्णओ । तत्थ णं एगा वणमयूरी दो पुढे परियागते पिटुंडीपंडुरे निव्वणे निरुवहए भिन्नमुट्ठिप्पमाणे मयूरीअंडए पसवति, पसवित्ता सएणं पक्खवाएणं सारक्खमाणी संगोवमाणी संचेटेमाणी विहरति । तत्थ णं चंपाए नयरीए दुवे सत्थवाहदारगा परिवसंति तंजहा जिणदत्तपुत्ते य सागरदत्तपुत्ते य, सहजायया सहवड्डियया सहपंसुकीलियया सहदारदरिसी अन्नमन्नमणुरत्तया अन्नमन्नमणुव्वया अन्नमन्नच्छंदाणुवत्तया अन्नमन्नहियइच्छियकारया अन्नमन्नेसु गिहेसु किच्चाई करणिज्जाइं पच्चणुब्भवमाणा विहरंति । ४५. तते णं तेसिं सत्थवाहदारगाणं अन्नया कयाइ एगतओ सहियाणं समुवागयाणं सन्निसन्नाणं सन्निविट्ठाणं इमेयारूवे मिहोकहासमुल्लावे समुप्पज्जित्था जण्णं देवाणुप्पिया ! अम्हं सुहं वा दुक्खं वा पव्वज्जा वा विदेसगमणं वा समुप्पज्जति तण्णं अम्हेहिं एगयओ समेच्चा णित्थरियव्वं ति कट्ट अन्नमन्नमेयारूवं संगारं पडिसुणेति, २त्ताक सकम्मसंपउत्ता जाया यावि होत्था। ४६. तत्थ णं चंपाए नयरीए देवदत्ता नाम गणिया परिवसति अड्डा जाव भत्तपाणा चउसट्ठिकलापंडिया चउसट्ठिगणियागुणोववेया
听听听听听听听听听听听听听听听听听听听听听听听听
555555555555555555 श्री आगमगुणमंजूषा- ६१७5555555$$5555555$$OOR