Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 658

CORO
(५) भगवई सतं २६ उ १.२.३.४-५-६ (३४६)
तेउलेस्स० पुच्छा । गोयमा ! बंधी, न बंधति, बंधिस्सति । ८१. सेसेसु सव्वेसु चत्तारि भंगा। ८२. एवं आउकाइय-वणस्सइकाइयाण वि निरवसेसं । ८३. ते उकाइय-वाउकाइयाणं सव्वत्थ वि पढम-ततिया भंगा। ८४. बेइंदिय-तेइंदिय- चउरिदियाणं पि सव्वत्थ वि पढम-ततिया भंगा, नवरं सम्मत्ते नाणे आभिणिबोहियनाणे सुयनाणे ततियो भंगो । ८५. पंचेंदियतिरिक्खजोणियाणं कण्हपक्खिए पढम-ततिया भंगा। सम्मामिच्छत्ते ततिय चउत्था भंगा। सम्मत्ते नाणे आभिणिबोहियनाणे सुयनाणे ओहिनाणे, एएसु पंचसु वि पएसु बितियविहूणा भंगा। सेसेसु चत्तारि भंगा। ८६. मणुस्साणं जहा जीवाणं, नवरं सम्मत्ते, ओहिए नाणे, आभिनिबोहियनाणे, सुयनाणे, ओहिनाणे, एएस बितियविहूणा भंगा; सेसं तं चेव । ८७. वाणमंतर जोतिसिय-वेमाणिया जहा असुरकुमारा । [सु. ८८. जीव- चउवीसइदंडएस नाम गोयअंतराइयकम्माइं पडुच्च चउत्थाइतेत्तीसइमसुत्तंतग्गयएक्कारसठाणपरूवणं ] ८८. नामं गोयं अंतरायं च एयाणि जहा नाणावरणिज्जं । सेवं भंते! सेवं भंते! त्ति जाव विहरति । ★★★ ॥ बंधिसयस्स पढमो उद्देसओ ।। २६.१ ।। बीओ उद्देसओ ★★★ [सु. १-९ अणंतरोववन्नएसु चउवीसइदंडएस पावकम्मबंधं पडुच्च पढमुद्देसनिद्दिट्ठएक्कारसठाणपरूवणं ] १. अणंतरोववन्नए णं भंते ! नेरतिए पावं कम्मं किं बंधी० पुच्छा तहेव। गोयमा ! अत्थेगतिए बंधी, ० पढम-बितिया भंगा। २. सलेस्से णं भंते! अणंतरोववन्नए नेरतिए पावं कम्मं किं बंधी० पुच्छा। गोयमा ! पढम-बितिया भंगा, नवरं कण्हपक्खिए ततिओ । ३. एवं सव्वत्थ पढम-बितिया भंगा, नवरं सम्मामिच्छत्तं मणजोगो वइजोगो य न पुच्छिज्जइ । ४. एवं जाव थणियकुमाराणं । ५. बेइंदिय-तेइंदिय- चउरिंदियाणं वइजोगो न भण्णति । ६. पंचेदियतिरिक्खजोणियाणं पि सम्मामिच्छत्तं ओहिनाणं विभंगनाणं मणजोगो वइजोगो, एयाणि पंच ण भण्णंति । ७. मणुस्साणं अलेस्स- सम्मामिच्छत्तमणपज्जवनाण- केवलनाण-विभंगनाण-नोसण्णोवउत्त-अवेयग-अकसायि-मणजोग- वइजोग - अजोगि, एयाणि एक्कारस पयाणि ण भण्णंति । ८. वाणमंतरजोतिसिय-वेमाणियाणं जहा नेरतियाणं तहेव तिण्णि न भण्णंति । सव्वेसिं जाणि सेसाणि ठाणाणि सव्वत्थ पढम-बितिया भंगा। ९. एगिदियाणं सव्वत्थ पढमबितिया भंगा । [ सु. १०-१६. अणंतरोववन्नएस चउवीसइदंडएसु नाणावरणाइकम्मट्ठगबंधं पडुच्च पढमुद्देसनिद्दिदृएक्कारसठाणपरूवणं ] १०. जहा पावे एवं नाणावरणिज्जेण वि दंडओ । ११. एवं आउयवज्जेसु जाव अंतराइए दंडओ । १२. अणंतरोववन्नए णं भंते ! नेरतिए आउयं कम्मं किं बंधी० पुच्छा । गोयमा ! बंधी, न बंधति, बंधिस्सति । १३. सलेस्से णं भंते ! अणंतरोववन्नए नेरतिए आउयं कम्मं किं बंधी० ? एवं चेव ततिओ भंगो। १४. एवं जाव अणागारोवउत्ते । सव्वत्थ वि ततिओ भंगो । १५. एवं मणुस्सवज्जं जाव वेमाणियाणं । १६. मणुस्साणं सव्वत्थ ततिय- चउत्था भंगा, नवरं कण्हपक्खिएसु ततिओ भंगो। सव्वेसिं नाणत्ताई ताइं चेव । सेवं भंते । सेवं भंते । त्ति० | ॥ बंधिसयस्स बितिओ ।। २६.२।। ★★★ ततिओ उद्देसओ ★★★ [ सु. १-२ परंपरोववन्नएसु चउवीसइदंडएस पावकम्मबंधं नाणावरणिज्जाइकम्मट्ठगबंधं च पडुच्च पढमुद्देसनिट्ठिएक्कारसठाणपरूवणं ] १. परंपरोववन्नए णं भंते! नेरतिए पावं कम्मं किं बंधी० पुच्छा । गोयमा ! अत्थेगतिए०, पढम-बितिया । २. एवं जहेव पढमो उद्देसओ तहेव परंपरोववन्नएहि वि उद्देसओ भाणियव्वो नेरइयाइओ तहेव नवदंडसंगहितो। अट्ठण्ह वि कम्मपगडीर्ण जाज कम्मस्स वत्तव्वया सा तस्स अहीणमतिरित्ता नेयव्वा जाव वेमाणिया अणागारोवउत्ता। सेवं भंते! सेवं भंते! ति० | ॥२६.३॥ ★★★ चउत्थो उद्देसओ★★★ [ सु. १. अणंतरोगाढएसु चउवीसइदंडएसु पावकम्माइबंधं पडुच्च पढमुद्देसनिद्दिट्ठएक्कारसठाणपरूवणं ] १. अणंतरोगाढए णं भंते ! नेरतिए पावं कम्मं किं बंधी० पुच्छा । गोयमा ! अत्थेगतिए०, एवं जहेव अणंतरोववन्नएहिं नवदंडसंगहितो उद्देसो भणितो तहेव अणंतरोगाढएहि वि अहीणमतिरित्तो भाणियव्वो नेरइयाईए जाव वेमाणिए । सेवं भंते! सेवं भंते ! ति० । ।२६.४ ॥ ★★★पंचमो उद्देसओ ★★★ सु. १. परंपरोगाढएस चउविसइदंडएस पावकम्माइबंधं पडुच्च पढमुद्देसनिट्ठिएक्कारसठाणपरूवणं ] १. परंपरोगाढए णं भंते! नेरतिए पावं कम्मं किं बंधी० ? जहेव परंपरोववन्नएहिं उद्देसो सो चेव निरवसेसो भाणियव्वो । सेवं भंते ! सेवं भंते ! त्ति० | ॥२६ ते ५ उद्दे० ॥ ★★★ छट्टो उद्देसओ ★★★ [ सु. १. अणंतराहारएसु चउवीसइदंडएसु
ॐ श्री आगमगुणमंजूषा ५६१
ॐॐॐॐॐॐॐॐॐ
555555 HA A A A NOT