Agam Guna Manjusha

SR No.: 002601
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 1868
Language: Prakrit, Gujarati, Hindi, English
Classification: Book_Devnagari, Agam, & Canon
File Size: 85 MB

Page 654

For955555555
(५) भगवई सतं २५ उ-७
[३४२]
55555555555555550xon
MOTO8%听听乐乐乐乐乐乐乐乐乐乐乐乐听听听听听听听听听听听听听听听$$$$$$乐乐乐乐乐乐乐乐乐86S
अणच्चासादणया, अरहंतपन्नत्तस्स धम्मस्स अणच्चासायणया २ आयरियाणं अणच्चासादणया ३ उवज्झायाणं अणच्चासायणया ४ थेराणं अणच्चासायणया ५ कुलस्स अणच्चासायणसा ६ गणस्स अणच्चासायणया ७ संघस्स अणच्चासादणया ८ किरियाए अणच्चासायणया ९ संभोगस्स अणच्चासायणया १० आभिणिबोहियनाणस्स अणच्चासायणया ११ जाव केवलनाणस्स अणच्चासायणया १२-१३-१४-१५, एएसिंचेव भत्तिबहुमाणे णं १५, एएसिंचेव वण्णसंजलणया १५,४५। सेतं अणच्चासायणाविणए । सेत्तं दंसणविणए। २२४. से किं तं चरित्तविणए ? चरित्तविणए पंचविधे पन्नत्ते, तं जहा-सामाइयचरित्तविणए जाव अहक्खायचरित्तविणए। सेत्तं चरित्तविणए। २२५. से किं तं मणविणए ? मणविणए दुविहे पन्नत्ते, तं जहा-पसत्थमणविणए य अप्पसत्थमणविणए य । २२६. से किं तं पसत्थमणविणए ? पसत्थमणविणए सत्तविधे पन्नत्ते, तं जहा-अपावए, असावज्जे, अकिरिए, निरूवक्केसे, अणण्यकरे, अच्छविकरे, अभूयाभिसंकणे । सेत्तं पसत्थमणविणए । २२७. से किं तं अप्पसत्थमणविणए ? अप्पसत्थमणविणए सत्तविधे पन्नत्ते, तं जहा-पावए सावजे सकिरिए सउवक्केसे अण्हयकरे छविकरे भूयाभिसंकणे । सेत्तं अप्पसत्तमणविणए। सेत्तं मणविणए। २२८. से किं तं वइविणए ? वइविणए दुविधे पन्नत्ते, तं जहा-पसत्थवइविणए य अप्पसत्थमणविणए य। २२९. से किं तं पसत्थवइविणए ? पसत्थवइविणए सत्तविधे पन्नत्ते, तं जहा-अपावए जाव अभूयाभिसंकणे । से तं पसत्थवइविणए । २३०. से किं तं ॥ अप्पसत्थवइविणए ? अप्पसत्थवइविणए सत्तविधे पन्नत्ते, तं जहा-पावए सावज्ने जाव भूयाभिसंकणे । सेत्तं अप्पसत्थवइविणए । सेत्तं वइविणए । २३१. से किं तं कायविणए ? कायविणए दुविधे पन्नत्ते, तं जहा-पसत्थकायविणए य अप्पसत्थकायविणए य। २३२. से किं तं पसत्थकायविणए ? पसत्थकायविणए सत्तविधे पन्नत्ते, तं जहा-आउत्तं गमणं, आउत्तं ठाणं, आउत्तं निसीयणं, आउत्तं तुयट्ठणं, आउत्तं उल्लंघणं, आउत्तं पल्लंघणं, आउत्तं सव्विदियजोगजुंजणया। से तं, पसत्थकायविणए । २३३. से किं तं अप्पसत्थकायविणए ? अप्पसत्थकायविणए सत्तविधे पन्नत्ते, तं जहा-अणाउत्तं गमणं जाव अणाउत्तं सव्विदियजोगजुंजणया। से तं अप्पसत्थकायविणए । से तं कायविणए । २३४. से किं तं लोगोवयारविणए ? लोगोवयारविणए सत्तविधे पन्नत्ते, तं जहा-अब्भासवत्तियं, परछंदाणुवत्तियं, कज्जहेतुं, कयपडिकतया, अत्तगवेसणया, देसकालण्णया, सव्वत्थेसु अपडिलोमया । सेत्तं लोगोवयारविणए । सेत्तं विणए। [सु. २३५-३६. वेयावच्चसज्झायअभितरतवभेयपरूवणं] २३५. से किं तं वेचावच्चे ? वेचावच्चे दसविधे पन्नत्ते, तंजहा-आयरियवेचावच्चे उवज्झायवेयावच्चे थेरवेयावच्चे तवस्सिवेयावच्चे गिलाणवेयावच्चे सेहवेयावच्चे कुलवेयावच्चे गणवेयावच्चे संघवेयावच्चे साहम्मियवेयावच्चे । सेत्तं वेयावच्चे । २३६. से किं तं सज्झाए ? सज्झाए पंचविधे पन्नत्ते, तंजहावायणा पडिपुच्छणा परिवठ्ठणा अणुप्पेहा धम्मकहा। सेत्तं सज्झाए। [सु. २३७-४९. झाणअभिंतरतवभेय-पभेयाइपरूवणं ] २३७. से किं तं झाणे ? झाणे चउव्विधे पन्नत्ते, तं जहा-अढे झाणे, रोद्दे झाणे, धम्मे झाणे, सुक्के झाणे । २३८. अढे झाणे चउव्विहे पण्णते, तं जहा-अमणुण्णसंपयोगसंपउत्ते तस्स विप्पयोगसतिसमन्नागते यावि भवति १, मणुण्णससंपयोगसंपउत्ते तस्स अविप्पयोगसतिसमन्नागते यावि भवति २, आयंकसंपयोगसंपउत्ते तस्स विप्पयोगसतिसमन्नागते यावि भवति ३ परिझुसियकामभोगसंपउत्तेतस्स अविप्पयोगसतिसमन्नागते यावि भवति ४।२३९. अट्ठस्सणं झाणस्स चत्तारि लक्खणा
पन्नत्ता, तं जहा-कंदणया सोयणया तिप्पणया परिदेवणया। २४०. रोद्दे झाणे चउविधे पन्नत्ते, तं जहा-हिंसाणुबंधी मोसाणुबंधी, तेयाणुबंधी, सारक्खणाणुबंधी। ॥ २४१. रोहस्स झाणस्स चत्तारि लक्खणा पन्नत्ता, तं जहा-उस्सन्नदोसे बहुदोसे अण्णाणदोसे आमरणंतदोसे। २४२. धम्मे झाणे चउव्विहे चउपडोयारे पन्नत्ते, तंभ
जहा-आणाविजये, अवायविजये विवागविजये संठाणाविजये । २४३. धम्मस्स णं झाणस्स चत्तारि लक्खणा पन्नत्ता, तं जहा-आणासयी निसग्गरुयी सुत्तरुयी। * ओगाढरुयी । २४४. धमस्स णं झाणस्स चत्तारि आलंबणा पन्नत्ता, तं जहा-पडिपुच्छणा परियट्ठणा धम्मकहा। २४५. धम्मस्स णं झाणस्स चत्तारि अणुपेहाओ
पन्नत्ताओ, तं जहा-एगत्ताणुपेहा अणिच्चाणुपेहा असरणाणुपेहा संसाराणुपेहा । २४६. सुक्के झाणे चउव्विधे चउपडोयारे पन्नत्ते, तं जहा-पुहत्तवियक्के सवियारी, एगत्तवियक्के अवियारी, सुहुमकिरिए अनियट्ठी, समोछिन्नकिरिए अप्पडिवाई। २४७. सुक्कस्स णं झाणस्स चत्तारि लक्खणा पन्नत्ता, तं जहा-खंती मुत्ती अज्जवे
Q乐乐听听听听听听听听听听听听听听听听听听听听听听听听听听听听听听听听听听听听乐乐乐编听听听听听